Komando Polísia Nasionál Timor-Leste (PNTL) ho Komando Falintil Forsa Defeza Timor-Leste (F-FDTL), apela ba sidadaun hotu-hotu atu kontribui ba paz no estabilidade, atu bele prepara-an simu loron bo’ot natal no tinan foun.
Hahú iha semana ne’e, PNTL ho F-FDTL sei hala’o operasaun konjunta ho rigorozu ba sidadaun ne’ebé hakarak kria instabilidade iha rai ida ne’e.
“Hahú loron 15 fulan ne’e ekipa konjuta PNTL no F-FDTL sei hala’o operasaun rigorozu ba sidadaun ne’ebé hakarak kria instabilidade iha rai ne’e”, Informasaun ne’e fo sai liu husi Konferensia Imprensa konjunta PNTl ho F-FDTL ne’ebé halao iha kuartel jeral PNTL Kaikoli, Kinta-feira (13/12/2018).
Liu husi konfrensia imprensa ne’e Xefe Estadu Maior Jeneral FALINTIL-Forsa Defeza Timor Leste (F-FDTL) Major General, Lere Anan Timur, husu ba sidadaun hotu inklui artemarsiais atu labele kria konflitus iha fatin ne’ebé deit atu preparasaun ba loron natal no tinan foun ne’e bele lao ho diak tama to’o loron boot.
“Liu-liu ba artemarasiais kumpri lei ne’e mak ita nia governu hatun ona no taka ona, maibe ita hatene katak ita nia governu sei loke atu organiza didiak atu sai lolos artemarsiais timor ninian ba desportu laos atu ba konflitu. Tanba ne’e mak ha’u husu ba artemarsias hatudu imi nia komportamentu agora, aban bainrua governu loke fila fali imi sai Timor ninian, ne’ebé mak imi sei kompete iha mundu internasional, foti timor nia naran”, deklara Lere Anan Timur.
Iha okaziaun ne’e Lere mós husu ba ukun nain sira atu koloka sira an nudar ukun nain ba timor, so ukun sira mak bele lori povu no nasaun ba dezenvolvimentu no moris iha progresu nia laran no estabilidade nia laran.
“Tanba ne’e nia apela ba Timor-oan tomak katak, komandu F-FDTL ho PNTL ne’e komporta hanesan timor oan hadomi o nia rai, hadomi o nia povu hadomi mos estabilidade. Tanba estabilidade laiha dezenvolvimentu laiha, dezenvolvimentu mos laiha estabilidade mos laiha, tanba ne’e husu ba timor oan hotu tenke kaer metin paz no estabilidade. Aes
