GMN TV Justica e Segurança PNTL ho F-FDTL lá tolera kriminozu

PNTL ho F-FDTL lá tolera kriminozu

0 views

Komandante Jeral Polísia Nasionál Timor-Leste (PNTL) Komisáriu Julio da Costa Hornay, informa, instituisaun PNTL hó FALINTIL-Forsa Defeza Timor-Leste (F-FDTL) sei la tolera kriminozu ne’ebé mak gosta provoka situasaun iha rai laran.

Hó preokupasaun hirak ne’e hotu mak Komandu PNTL, Komisáriu Julio da Costa Hornay informa ba Prezidente Repúblika (PR), Francisco Guterres ‘Lú Olo; kona-ba kazu hirak ne'ebé ikus-ikus sai atakasaun ba membru polísia no F-FDTL.

Nune’e mós problema hirak ne’ebé asiste liu husi media sosial kona-ba kazu hudi Laran nian hodi bele esplika ba públiku katak autoridade seguransa hala'o ninia misaun tuir regra servisu no tuir lei ne'ebé iha.

Tán ne’e mak husu ba komunidade hotu liu-liu joven sira atu entende servisu seguransa ba povu ne'e ninia servisu iha tereinu atu hot-hotu koopera ba malu atu kria estabilidade no paz iha Timor Leste.

“Ami sei la tolera ba kriminozu tanba autoridade seguransa ba halo atuasaun no prevene problema mak fila ataka fali polísia no militar tanba membru halo nia servisu tuir misaun espesial no tuir lei konstituisaun nian”,informa Komadante Jeral PNTL, Komisáriu Julio da Costa Hornay, ba Jornalista hafoin enkontru hó Prezidente Repúblika (PR), Francisco Guterres ‘Lú Olo’ iha Palásiu Prezidensial Nicolau Lobato Bairru Pite-Dili, Kinta (06/12/2018). foin lalais ne’e

Nia hatutan, hanesan aparellu estadu nia misaun maka asegura estabilidade no paz ba povu tomak no rai ida ne'e tomak la'os ba pessoal tanba ne'e maka husu ba ita hotu-hotu atu koopera.

Hanesan asaun sira ne'ebé foin dadauk kontra PNTL ninia ema no mós ita nia F-FDTL ne'ebé hotu asiste primeiru ida iha Komoro ataka polísia depois sira halai.

Suspeitu hirak ne’e hanoin katak livre ne'e, lae polísia kaptura tiha ona na'in rua no sei kaptura tan suspeitu sira ne'ebé iha tempu ne'eba involve iha ne'eba sei kaptura hodi ba hatan iha Tribunal.

Iha Largo Lisidere ne'e na'in hitu tama prizaun preventiva iha Likisa ba Forsa Armadas ne'e mós kaptura hotu ba prosesu sei iha tan ne'ebé ita buka hela no ita mandadu ona identifika pesoal atu hein mandadu kapturaun tun atu ita hotu kaaptura.

Hanesan Kazu iha Hudi Laran ne'e mós ita husu ona mandadu ba Ministeriu Públiku atu bele simu no bainhira de'it maka kaptura tanba ne'e maka ita informa ba publiku katak Timor ne'e klot no hot-hotu koñese malu.

Importante liu maka ita nu'udar Timoroan atu bele servisu apoiu ba malu atu asegura estabilidade no paz ba rai ida ne'e maaka misaun boot ida atu bele rai ida ne'e halo ohin ne'e ba oin atu Timor ne'e hakmatek nune'e prosesu dezenvolvimentu bele la'o ba moris di'ak aban bainrua.

“ita bele alkansa ida ne'e maka misaun ba ita ida ne'ebé sei moris ne'e  hatutan ita nia heroi sira ne'ebé oras ne'e la hamutuk ho ita”,informa Hornay.

Nia dehan tán, sei kontinua halo ida ne'e nafatin iha fatin hotu-hotu liu-liu iha kapital Dili labele haluha katak PNTL ho F-FDTL prontu atu bele atua no kaptura kriminozu lori ba prosesu.

Joven hanoin katak ohin ne'e akontese laiha kapturasaun maibé sei kaptura sei la ses husi prosesu tanba ne'e maka husu nafatin ba hotu-hotu tenke kumpri lei no ordem tanba natal mós besik dadauk ona.

Tinan foun hanesan loron importante ba povu Timor ne'ebé hadere ba relijiaun Katolika hotu-hotu hakmatek koopera ba malu.

Nune’e mós kria estabilidade no paz atu Timoroan hotu selebra natal no Ano Novu ho paz dame tanba PNTL ho F-FDTL mós iha ona orientasaun no iha ona diretiva agora prepara hela planu operasaun atu bele asegura estabilidade paz ba Natal no tinan foun.

Husu ba hotu-hotu atu bele koopera paz no estabilidade di'ak importante tebes ba ita nu'udar Timoroan.

Alerta 1-2 ne'e planu operasaun PNTL ninia ita agora tama iha alerta ita prepara ona ba alerta 1singifika katak Forsa hotu-hotu estembai iha fatin no halo servisu operasional ba seguransa Natal no Ano Novu.

“ha'u hasai tiha ona diritiva ba membru hotu-hotu estembai iha fatin atu protidaun atu asegura selebrasaun Natal no Ano Novu ne'ebé komunidade lalika tauk publiku labele tauk katak problema sira ne'ebé akontese”, tenik Komisáriu Julio

Hanesan timoroan tenke sai avontade livre karik iha problema ruma polísia atende emidiata iha ne'ebé de'it ita sei hamutuk iha diretiva ne'e sei hamutuk ho ho Forsa atu bele asegura estabilidade no paz iha natal no tinan foun 2019. Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker