Polísia Nasionál Timor-Leste, prende fugetis kaisa 90 resin no kaptura suspeitu mane ida ho inisial PBS, wainhira hala´o transaksaun fa’an fugetis ba komunidade iha área Aitarak-Laran Munisipiu Díli.
Tuir informasaun balun husi ajenti Polísia sira informa katak, iha Domingu (16/12/18) mais ou menus tuku 11 loron oras Timor-Leste, Polísia Eskuadra Dom Alexio Munisipiu Díli hetan kontaktu husi komunidade ne’ebe informa katak, iha ema balun fan fugetis iha Aitrak-Laran. Hafoin simu tiha informasaun ne’e Polísia Eskuadra Dom Alexio disloka kedas ba iha Aitarak-laran no haree hodi kaptra kedas suspeitu ne’e lori kedas suspeitu husi hodi submete ba prosesu investigasaun iha Eskuadra Polísia Dom Alexio, no sei detein oras 72 iha sela detensaun Munisípiu Díli.
Polísia Nasionál Timor-Leste, Domingu (16/12/18), prende fugetis kaisa 90 resin no kaptura suspeitu mane ida ho inisial PBS, wainhira hala´o transaksaun fa’an fugetis ba komunidade iha área Aitarak-Laran Munisípiu Díli. Fugetis hirak ne’e mak tau hela iha rai ne’e no atu hatama ba plástiku.FOTO:GMN
Hafoin detein oras 72 iha sela detensaun sei submete suspeitu ba iha primeiru interogatóriu iha Tribunal Distrital Díli.
Antes ne´e, Komandante Jerál PNTL Komisáriu Julio Hornay, apela ona ba públiku atu labele tiru fugetis tanba bele fo inpaktu ba komunidade ninia deskansa kalan.
To’o notísia ne´e hatún GMN seidauk hetan konfirmasaun detallu kona-ba prosesu investigasaun, husi Komando PNTL Munisípiu Díli.avi
