GMN TV Justica e Segurança SEFOPE husu MJ aselera prosesu disputa laboral

SEFOPE husu MJ aselera prosesu disputa laboral

0 views

Sekretáriu Estadu Formasaun Profisional no Empregu (SEFOPE) Julião da Silva, hasoru malu ho Ministru Justisa (MJ), Manuel Cárceres hodi husu apoiu aselera lalais prosesu disputa laboral relasiona ho problema traballador no empregador tanba kazu barak mak pendenti iha Tribunal.

“Kazu disputa laboral hanesan hapara traballador, laiha direitu ba kompensasaun, laiha salariu desimu terseiru mes ne’ebé dala barak traballador hasoru, entaun SEFOPE iha hanoin atu servisu hamutuk ho MJ hodi kria kondisaun diak atu nune’e wainhira iha kazu ruma konaba traballador ne’ebé labele rezolve iha mediasaun no arbitrazen SEPFOPE, entaun bele avansa ba Tribunal no bele aselera
lalais tanba problema entre traballador no empregador durante ne’e barak mak pendente iha Tribunal”, dehan Julião ba jornalista sira hafoin hasoru malu ho Ministru Justisa iha salaun Ministériu Justisa,Colmera-Díli, Kinta (20/12/18).

Nia dehan, tuir relatóriu SEFOPE iha kazu traballador hamutuk 12 mak pendente iha Tribunal tanba la konsege rejolve iha mediasaun no arbitrazen SEFOPE tanba ne’e SEFOPE rasik lakoi halo traballador hein kleur ho sira nia kazu ne’ebé pendente.

“Husi kazu hirak ne’e hotu ami tenta halo mediasaun maibe labele entaun ba arbitrazen no kuandu iha arbitrazen mak parte rua la konkorda entaun konserteja tenki lori ba Tribunal no problema mak Tribunal la dun fo prioridade ba kazu hirak ne’e,”esplika Julião.

Iha fatin hanesan, Ministru Justisa (MJ), Manuel Cárceres, hateten, nia parte sei koalia ho konsellu kordenasaun Justisa liu-liu Prokurador Jeral Republika (PJR) no Tribunal Rekursu (TR) atu bele aselera lalais kazu disputa laboral.

“Lei traballador no 4/2004-2012 bele regulariza empregador no traballador maibe tenki kompartivel ho evolusaun no nesesidade ema hotu atu nune’e bele garante rejolve problema‘’, koalia Manuel.

Alende koalia kona-ba disputa laboral, enkontru ne’e mos koalia kona ba kapasitasaun no asistensia legal ba parte ne’ebé halo mediasaun no arbitrajen iha SEFOPE, tanba sira balun jurista maibe balun lae. Tanba ne’e presiza halo kalendáriu ida hodi fo formasaun ba sira, terseiru konaba alterasaun kódigu laboral husi lei no 4/2004-2012 konaba lei traballador ne’ebé daudaun uza tanba ladun adekuadu ho evolusaun no situasaun real ne’ebé akontese ba traballador, tanba ne’e presiza haree no hadia fali.Ita

 


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker