Polísia Servisu Informasaun Munisípiu Díli, kaptura ona suspeitu DS no JS ne’ebé mak deskonfia tuda kanek membru Polísia António Carmona iha Aldeia Moris foun iha semana kotuk.
Iha Kuarta loron 05 fulan Dezembru tinan ne’e, Komando Polísia Nasionál Timor-Leste (PNTL) Munisípiu Dĺli ezekuta mandadu Tribunal Distrital Dĺli hodi kaptura suspeitu nain rua ho inisial DS no JS iha Aldeia Moris Foun C Suku Komoro Díli, mais ou menus iha tuku hat loraik oras Timor-Leste.
Hafoin kaptura tiha suspeitu nain rua, Polísia lori kedas mai iha Kuartel PNTL Munisĺpiu Dĺli hodi hasai deklarasaun, depois sei detein iha sela detensaun durante 72, Munisípiu Díli, hafoin submete ba primeiru interogatoriu iha Tribunal Distrital Díli.
Entretantu Ajenti Xefe Polísia António Barbona hetan tuda, bainhira halo atuasaun ba konfrontu entre grupu joven sira iha area Aldeia Moris Foun C Komoro Iha Domingu loron rua nulu resin lima fulan ne’e.
Oras ne’e Antonio Carmona alta ona husi hospital Nasionál Guido Valadares/ tanba kanek ne’ebé mak vítima ne’e hetan rekoopera ona
Oras ne’e Antonio Carmona alta ona husi hospital Nasionál Guido Valadares (HNGV) tanba kanek ne’ebé mak vítima ne’e hetan rekoopera ona, oras ne’e fila ona ba ninia rejidensia iha aldeia 01 Suku Fatuhada Postu Dom Alexio Munisípiu Díli.
To’o notísia ne’e hatun GMN seidauk hetan konfirmasaun husi Komando PNTL Munisípiu Díli.avi
