GMN TV Justica e Segurança Timor-oan 34 identifikadu servisu ilegal iha Xina

Timor-oan 34 identifikadu servisu ilegal iha Xina

0 views

Servisu Migrasaun Timor-Leste, identifika feto Timor-oan nain 34, ho  idade produtivu 17,  servisu illegal iha nasaun Xina, no  nain  8  iha tempu badak sei  fila-fali mai Timor-Leste, no sira seluk Polísia sei buka tuir hodi kaptura.

Timor-oan sira ba iha Xina, iha grupu tolu ona, grupu primeiru  ne’e ba Xina iha  fulan Setembru,  tinan 2018, hamutuk ema nain 19, grupu 2  hamutuk ema nain 8, grupu terseiru hamutuk ema nain 7.

“Informasaun ida  ne’e ita rona fulan rua liu ba ita tenta atu lokaliza  informasaun ida ne’e,  ita mós konsege koalia ho autor balun, depois  informasaun  ne’e  ita rona, iha momentu  ne’eba adidu Migrasaun iha Xina sei iha Timor-Leste hela, nia pasa kedas  informasaun ne’e ba  iha embaixador   ita nian iha Xina, señor Bendito Freitas, depois husi ida ne’e mak señor Bendito Freitas halo kooperasaun ho autoridade Polísia Xina nian ho hanoin katak, karik Timor-oan mai ho grupu bo’ot laiha koñesimentu Estadu Timor-Leste no laiha koñesimentu ba iha Embaixada Timor-Leste iha Xina husu favor autoridade seguransa atu halo atuasaun, entaun bazeia ba informasaun hirak ne’e mak iha dia 10 autoridade Seguransa Xina halo atuasaun ba ita-nia Timor oan nain 8 ne’ebé mak  ba  iha Xina iha Provinsia Fujian, sidade Fukuean ninian”,esplika Diretór Nasionál Migrasaun Superintendente Assistente Polísia, Boavida Ribeiro, ba jornalista sira Kinta (20/12/18) iha Ministériu Interior Díli.

Nia hatutan, sidadaun nain 8 ne’e kompostu husi feto 7, sira ninia status  hanesan vítima,  servisu hanesan  domisiliáriu (pembantu rumah tangga) no mane ida hanesan suspeitu. Tanba rekruta husi Timor no hamutuk ho ema Xina.

“Iha  dia 10 ekipa Embaixada  Timor nian iha Peking ka iha Xina simu informasaun  husi autoridade Polísia Xina, liu husi Provinsia Fujian, hodi informa  mai ita nia  Embaixador Timor iha Xina orienta  kedas ita nia adidu Migrasaun  ne’ebé mak koloka iha  Embaixada TL iha  Xina ba kedas iha Fujian, los duni hetan duni sidadaun Timor oan  nain 8, sidadaun Timor-oan sira agora dadauk iha Xina,  mane  ne’ebé mak deskonfia hanesan suspeitu prosesu tuir lei  ne’ebé mak vigora  iha Xina, feto nain 7 agora dadauk iha Kuarantina hodi prosesa atu fila  fali mai Timor-Leste iha tempu badak antes  depois  loron Natal no  tinan foun”, dehan Boavida Ribeiro.

Enkuantu ba Timor-oan sira seluk  Embaixada Timor-Leste iha Xina husu  Polísia Xina atu buka tuir nafatin hodi kaptura atu submete ba prosesu investigasaun.

“Agora dadauk ekipa Embaixada  iha Xina hamutuk iha adidu Migrasaun  Timor halo koordenasaun ho Polísia Xina sei buka nafatin maluk Timor-oan sira  ne’e,  ita  heian katak, sei bele hetan hotu, tanba  husi grupu nain 8 ne’ebé mak ohin ita temi nain lima hetan ona, falta nain tolu, depois  sira ne’ebé  mak sei mai antes depois de natal  tinan foun ne’e, grupu nain 7, grupu segundu ne’e sei  hein fali nain tolu seluk nain 8 mak mai dala ida”,dehan Boavida Ribeiro.

Relasiona  ho kazu refere, lider  máximu   iha Migrasaun, Boavida Ribeiro,  fó ona  orientasaun ba Komandante Postu sira hotu iha sira- nia atendimentu atu kontrola didiak movimentu  ema tama-sai Aeroportu  ho  grupu bo’ot  karik sei husu objetivu klaru atu ba ne’ebé, liu-liu ba sira ne’ebé mak ho idade produtivu, idade produtivu ba sira ne’ebé mak bele halo ona servisu  bele buka ona osan rasik.avi


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker