Komando Unidade Espesial Polísia (UEP) planeia sei monta postu ida iha Beasu, Viqueque, Kosta Sul hodi prepara fó seguransa ba Liquefied Natural Gas (LNG).
“Ha’u hanoin ida ne’e Komando jerál nian, ne’ebé Unidade Espesial Polísia preparadu, kualker ordem husi Komando Komando jerál, ami pronto para hala’o, maske ami nia man power ne’e menus hela, mas ida ne’e la’os razaun, ordem Komando jerál atu hira-hira mós ami ténki hala’o I ida ne’e bem estar ba povu tomak ba nasaun ida ne’e tuir ami nia misaun ami pronto para hala’o”, esplika Komandante Unidade Espesial Polísia (UEP) Superintendente Xefe Afonso do Santos, ba GMN Kuarta (19/18/18) iha Kuartel UEP Bairo Pite Díli.
Enkuantu kona-ba data fiksu, Komandante ne’e seidauk mensiona ba públiku, maibe planu sei realize.
“Karta mai ona husi Komando jerál PNTL, ami sei hein orientasaun ou despaisu husi ami nia Ministru Interior Interino wainhira iha ona despaisu ami bele koloka ona ami bele koloka plataun ida preparadu hela”,dehan Afonso do Santos.
Tanba ne’e ba futuru Komando jerál sei haree de’it ba efetivus ne’ebé mak menus karik bele reforsa tan.avi
