Komandante Jerál Polísia Nasionál Timor-Leste (PNTL) Komisáriu Faustino da Costa, rekoñese membru PNTL hasoru dezafiu halo prevensaun ba aktu krime sira, tanba ema kriminozu mai ho sistema dijital.
Lider másimu instituisaun ne’e hato’o lia hirak ne’e relasiona aktu krime sira ikus-ikus ne’e akontese iha kapital Díli laran, ne’ebé mak rezulta ema kanek no mate, tanba ema uza sasan kro’at.
“Dezafiu boot ida ba PNTL hasoru mak PNTL halo nia aktividade prevensaun ho sistema manual ema sira mai honoin ho krime mai ho digital. Ne’e dazafiu boot ida, ida ne’e ita detekta kuandu ita halo kapturasaun ba ema balun. Tanba saida ha’u hateten hanesan ne’e iha grupu ne’ebé iha tiha ona iha ne’ebá, entaun ita duni ema ho manual, ema avansa ho elektronika la’os fasil”,esplika Komandante Jerál Polísia Nasionál Timor-Leste (PNTL) Komisáriu Faustino da Costa, Tersa (10//12/19) iha Kuartel Jerál PNTL.
Tanba ne’e PNTL presiza ekipamentu ne’ebé properio oinsá, bele akompaña aktividade movimentu grupu sira ne’ebé mak kria estabilidade
“Entaun ami presiza ekipamentu ne’ebé properio oinsá para counter oinsá mak ami bele akompaña aktividade movimentu grupu nomós ema sira ne’ebé mak kria estabilidade, espera katak iha tempu badak ami ekipamentu ida ne’e depois ita sei buka. Hau hanoin ekipamentu ne’e, iha faze prosesu tenderijasaun depois mak ita sei hare’e”,dehan Faustino da Costa.avi
