GMN TV Justica e Segurança Filomeno Paixão: Migrasaun labele kobra osan husi kotuk

Filomeno Paixão: Migrasaun labele kobra osan husi kotuk

0 views

Ministru Defeza no Interior Interinu, Filomeno Paixão, hatete, durante nia mandatu haree katak Servisu Migrasaun Polísia nian la’o lalos, tanba osan la tama tomak ba Estadu, maibe tama tun-tama sa’e ba membru balun nia bolsu.

“Keta hanoin dehan ha’u halimar, ha’u lahalimar ho imi, ha’u la halimar. Tau Polísia para migrasaun ne’e atu la’o los para osan tama tomak Estadu, laos tau Polísia para osan ba kobra fali iha baranda nebá, iha varanda nebá, iha casa de banho ou marka reuniaun iha fatin-fatin, ha’u laiha buat ida ne’e. Ha’u hakarak monta CCTV iha fatin hot-hotu”,deklara Filomeno Paixão liu husi diskursu Sesta (27/12/19) iha salaun ekontru Ministériu Interior Villa-Verde Díli.

Ministru Defeza no Interior Interinu Filomeno Paixão,  husu ba servisu  Migrasaun hotu atu labele halo kobransa  subar-subar iha kotuk.

Atu prevene aktu kobransa ilegal,  governante ne´e, promete sei monta CCTV  iha  aeroportu no fronteira sira

``Ha’u hakarak monta CCTV iha aeroportu, Batugade no  Salele.  Fatin sira kobra osan ne´e ténki monta CCTV``,dehan Filomeno Paixão.

Governante ne´e dehan, aktu sira ne´e la´os involve  ema hotu iha servisu Migrasaun, maibé iha pesoal balun. Tanba  ne´e ho selebrasaun loron natal no tinan foun mai ne´e, Filomeno Paixão husu  funsionariu  Migrasaun  atu muda hanoin.

``Agora ho ano  novo ha´u nia mensazen  husu ba imediatu  muda imi nia vida akaba  buat a´at dehan ha´u haluha  ona ba oin halo los. Ita labele kobra osan iha kotuk``,dehan Filomeno Paixão.avi


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker