GMN TV Justica e Segurança Forsa marina Indonézia hakarak estabelese kooperasaun ho F-FDTL

Forsa marina Indonézia hakarak estabelese kooperasaun ho F-FDTL

Ministru Defeza no Interior Filomeno Paixão hateten, Almirante Forsa Marina  Indonézia Harjo Susmoro,  hakarak estabelese kooperasaun  ho FALINTIL –Forsa Defeza Timor-Leste (F-FDTL) iha área  marina.

Lia hirak ne’e hato’o husi Filomeno Paixão, hafoin simu vizita Almirante Forsa Marina  Indonézia, Harjo Susmoro  iha  Kuartel Jenerál F-FDTL Fatuhada Díli  Kinta  (12/12/19).

“Enkontru  ho señor Admirante Harjo Susmoro,   ne’ebé mai hamutuk ho Ró rua  ne’e Ró ida mak naran Usman Haru -359  no KRI  Sultan Iskandar  Muda  367.

“Sira mai  inisiativa sira nian  sira mai hakarak hasoru Major Jeneral ho Ministru Defeza para sira buka oinsá atu estabelese  kooperasaun ho  ita Hanesan uluk ita halo ona kooperasaun ezersisiu INAMOR, durante  ne’e  ita haruka  ita nia forsa sira ba tuir lojistika  treinu  iha ne’ebá. Agora sira mai husi tasi nian mós hakarak halo hanesan ne’e”,esplika  Ministru Defeza no Interior Filomeno Paixão, ba jornalista sira hafoin enkontru ho Almirante Forsa Marina  Indonézia Harjo Susmoro,  Kinta (12/12/19)  iha Kuartel Jenerál F-FDTL Fatuhada Díli

Hafoin enkonbtru ho Ministru Filomeno Paixão, Almirante Forsa Marina  Indonézia Harjo Susmoro, kontinua  ba hasoru fali Xefe Estadu Maior Jenerál F-FDTL  Major Jeneral Lere Anan Timur, hodi  hala’o enkontru.

Hafoin enkontru tiha, Lere Anan Timur hateten, ema  hotu Indonézia  ho Timor  funu hasoru malu durante tinan 24  nia laran  Indonézia próprio mós sai vítima ba sistema.

 “Ita vítima  ba  ita nia objetivu  ita nia prinsipu mak hakarak ukun rasik a’an  ita hakarak sai nain ba  ita nia rai, Indonézia kuitadu sira barak mai mate barak  iha ne’e, Indonézia mós iha feto faluk  no oan kiak tanba  vítima ba sistema, la’os sira mak hakarak mai, maibé sistema mak haruka sira mai. Tanba  ne’e mak ha’u hanoin katak,  problema ne’ebé  mak akontese  ona  ita hakerek iha ita nia istória ita tau iha kotuk ita hateke ba oin, tanba Indonésia ho Timor ne’e nasaun viziñu, hanesan mós Australia”,dehan Lere Anan Timur.

Nia dehan,  hanesan nasaun viziñu presiza iha relasaun diak iha  respeitu mutu, rona  no fiar ba malu  hanesan nasaun soberanu.

Iha vizita Almirante Forsa Marina  Indonézia Harjo Susmoro hetan seguransa masimu  membru Polísia Militar F-FDTL.

Lere: RI la hanoin a’at ba TL

Xefe Estadu Maior Jenerál FALINTIL-Forsa Defeza Timor-Leste (F-FDTL)  Major Jeneral Lere Anan Timur,  hateten, Indonézia la hanoin a’at ba  nasaun Timor-Leste.

Lere Anan Timur   hato’o lia hirak ne’e, wainhira simu vizita Almirante Forsa Marina  Indonézia Harjo Susmoro  iha KuartelJenerál F-FDTL Fatuhada Díli Kinta (12/12/19).

Lere dehan, Indonézia mai invade  Timor durante tinan 24  halo buat diak iha Timor no  halo buat a’at mós iha Timor, porque  kestaun moral ne’e agora ténki apoia.

“Hanesan ohin Jeneral ne’e dehan Timor ne’e konfia   laran metin katak, Indonézia la hanoin a’at ba Timor”,esplika Xefe Estadu Maior Jenerál FALINTIL-Forsa Defeza Timor-Leste (F-FDTL)  Major Jeneral Lere Anan Timur ba jornalista sira Kinta (12/12/19), hafoin  enkontru  ho Almirante Forsa Marina  Indonézia Harjo Susmoro  iha KuartelJenerál F-FDTL Fatuhada Díli.avi


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker