GMN TV Justica e Segurança FRETILIN : prosesa kazu lori sai ai-moruk husi HNGV-kazu asidenti aman no oan

FRETILIN : prosesa kazu lori sai ai-moruk husi HNGV-kazu asidenti aman no oan

0 views

Bankada FRETILIN iha Parlamentu Nasional (PN), husu governu prosesa kazu deskonfia pesoal saúde lori sai ai-moruk iha Hospital Nacional Guido Valadares (HNGV) no kazu soke mate aman ho oan iha Praia dos Coqueiros foin la-lais ne’e, atu nune’e bele hatene motivu husi kazu rua refere.

“Kazu hirak ne’e labele husik hela deit, tanba justisa ne’e tenki justu ba ema hotu, ha’u hakarak hatene ninia prosesu ne’e to’o iha ne’ebé, la’os ona segredu justisa, tanba kazu ne’e públiku hotu akompañia to’o ikus prosesu lakon, realidade evidensia tomak públika iha média sosial no Diretor rasik rekoñese akontese duni”, deputadu bankada FRETILIN, Marito Mota liu husi plenária, Tersa (10-12-2019).

Nia afirma, kazu hirak ne’e labele husik hela deit, tanba justisa ne’e tenki justu ba ema hotu.

“Kazu refere grave tebes, krimi organizadu ida faz parte husi korrupsaun, kazu refere la’os foin mak akontese, maibé akontese tinan barak ona foin mak deskobre. Ha’u hanoin sira iha ne’ebá ladun konkorda malu sira deskobre kazu refere, VIII governu presiza tau atensaun sériu ba kazu refere no iha tempu badak tribunal mós tenki foti prosesu no rezultadu hodi públika ba públiku. Kazu asidenti trafégu ne’ebé soke mate aman ho oan ne’e mós presiza tau atensaun, realidade hatudu katak labarik ho idade minoridade mak lori kareta ho velosidade ás no okupa ema-nia Estrada, hodi hamate aman ho oan, ita haree akontesementu ne’e bainhira PNTL to’o iha fatin akontesimentu, autor sei iha fatin hela, tuir kódigu estrada autor viola kódigu estrada presiza detein oras 72 hodi prosesu, maibé realidade hatudu autor livre ba labarik ne’e ho TIR,  ne’e hatudu katak justisa la justu ona ba ema ne’ebé la forsa no poder kbi’it asesu ba justiza, tanba iha informasaun nia inan ho aman iha ligasaun ho setor justisa, ha’u hanoin ida ne’e presiza tau atensaun ho kazu refere ita nia povu bele lakon konfiansa ba ita nia setór justisa”, tenik Marito.

Hatán ba preokupasaun ne’e, Sekretáriu Estadu Komunikasaun Sosial (SEKOM), Merício Akara, promete sei informa asuntu ne’e ba ministériu kompetente.

Entretantu kazu deskonfia pesoal saúde lori sai ai-moruk iha HNGV iha loron 8 no 12 fulan Novembru, tinan ne’e.

Entretantu autor ho inisiál JVRSS soke mate abitante ida ho naran Nonato Lopes (aman-red) no Jonathan Borges Lopes (oan-red), iha área Praia dos Coqueiros, Díli, iha loron 30, fulan Novembru, tinan ne’e. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker