GMN TV Justica e Segurança Kazu Ró Haksolok ne’e aktu korupsaun, FONGTIL dezafia MP-KAK tenke brani loke investigasaun

Kazu Ró Haksolok ne’e aktu korupsaun, FONGTIL dezafia MP-KAK tenke brani loke investigasaun

0 views


Diretór FONGTIL, Daniel Santos do Carmo,  husu Ministériu Públiku (MP) no Komisaun Anti Korupsaun (KAK) tenke brani atu loke prosesu investigasaun ba kazu Ró Haksolok inklui líder sira ne’ebé ba halo kontratu sasán sira ne’e, tanba kazu Ró Haksolok ne’e Estadu Timor-Leste lakon ona osan Estadu millaun USD 13, maibe to’o agora la mai Timor-Leste.

Diretór FONGTIL, Daniel Santos do Carmo, hato’o asuntu ne’e tanba dadaun ne’e prosesu kazu Ró haksolok to’o agora laiha solusaun, ne’eduni  husu ba Ministériu Públiku no Komisaun Anti Korupsaun atu labele tauk halo investigasaun ba kazu ne’e, tanba osan barak mak mout hotu ba Ró haksolok maibé laiha rezultadu  diak.

Daniel  husu ba Ministériu Públiku atu kolabora hamutuk ho Komisaun Anti Korupsaun atu brani buka tuir osan millaun USD13 ne’ebé gasta ba ró Haksolok, maibe ró ne’e rasik la mai Timor-Leste.

“Ne’e kategoria aktu koruptu, ne’ebé hamosu prejuizu ba Estadu. Aktu ida ne’ebé akontese ba ró Haksolok ne’e liu ona atu halo prosesu kona bá ró Haksolok. Tanba ne’e FONGTIL husu ba Ministériu Públiku atu loke fila-fali kazu ne’e, nune’e kontinua halo investigasaun,  tanba aktu ne’e korupsaun, halakon ona Estadu nia osan hamutuk  millaun USD 13. Laiha lider nasionál ida mak bo’ot liu fali lei, tanba ne’e bainhira lider se deit mak komete kazu, tenke ba hatan iha tribunal hodi justifika, agora iha kazu ida ne’e mak ita dezafia Ministériu Públiku no KAK atu oinsa loke fila-fali kazu ne’e hodi bele halo investigasaun klean ba ró Haksolok ne’e”,hateten Daniel Santos do Carmo ba GMN iha Kaikoli Díli Kuarta (17/12).

Nia haktuir, dalan bo’ot atu ba tribunal mak Ministériu Públiku,  maibé kuandu Ministériu Públiku la autoriza, tribunal mós labele halo buat ida. Iha lei hatete, kuandu hetan problema ka kazu ruma, tenke submete ba lei, tanba ne’e husu ba KAK atu halo sensibilizasaun ba komunidade, sosiedade sivíl no entidades sira atu hotu-hotu bele ko’alia kona bá kazu ró Haksolok.

Ró Haksolok  halo ona inaugurasaun  iha  Portugal iha loron 26 Maiu 2017, no ró ne’e sosa ho orsamentu besik millaun sanolu resin haat. Oras ne’e dadauk Ró Haksolok para hela iha Figueira da Foz, Portugal, no nia kondisaun feruzen hotu ona. Tanba kompañia Atlantic Eagle mos laiha ona osan atu konstroi ró refere.

Antes ne’e, Atual Prezidente RAEOA, José Luis mós hasoru malu ona Primeiru, Taur Matan Ruak, hodi hato’o kona bá kazu ró Haksolok ne’ebé la mai tanba kompañia Atlantic Eagle ne’ebé konstroi ró ne’e bankarota tiha ona.

To’o notísia ne’e publika, GMN tenta atu halo konfirmasaun ba Ministériu Públiku, maibé Prokurador Jeral Repúblika okupadu hela ho servisu.

Antes ne’e mos eis Prezidente Autoridade Rejiaun Administrativa Espesial Oecusse Ambeno, Mari Alkatiri, halo propaganda no ajitasaun ba públiku katak, Ró Haksolok sei mai Timor-Leste iha tempu badak hodi fó Haksolok ba povu tomak, maibe realidade povu hein ba hein ró ne’e nunka mai.aba


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker