GMN TV Justica e Segurança Lere Anan Timur: PR konkorda loke fali grupu arte marsial

Lere Anan Timur: PR konkorda loke fali grupu arte marsial

Xefe Estadu Maior FALINTIL Forsa Defeza Timor-Leste (F-FDTL), Major Jeneral Lere Anan Timur hatete, Prezidente Repúblika (PR), Francisco Guterres Lú Olo, konkorda atu loke fila-fali grupu arte marsial sira iha Timor-Leste hanesan Persaudaraan Setia Hati Terate (PSHT), Ikatan Kera Sakti (IKS) no Kmanek Oan Rai Klaran (KORK), iha ne’ebé antes ne’e Governu taka ona atu labele halo atividade.

“Nia (PR) konkorda, tanba buat ne’e tenke organizadu, para ita haree , ho deit SH ho Korka mak baku malu ou 77, ho ida ne’e mak baku malu, maibé ita ba ne’e evidénsia laiha, porque organizasaun la eziste. se organizasaun eziste katak, kuandu kaer, Korka ho 77 ou SH ho Kerasakti, ne’e ita hatene katak, ba bolu nia responsavél, tanba saida mak o nia ema baku malu, ne’e ita bo’ot tenke responde”, hatete Lere Anan Timur, hafoin hasoru malu ho Prezidente Repúblika, iha Palásiu Prezidénsial Nicolau Lobato iha Bairo Pité, Díli, (11/12/2019).

Maske nune’e, Lere haktuir, reativa hikas grupu arte marsial sira ne’e, kabe ba kompeténsia Governu nian, maibé tenke iha estrutura no estatutu  própriu, nune’e bele minimiza krime organizadu iha Timor-Leste.

“Ne’e mak ha’u hatete ba Prezidente, Governu loke arte marsiais ho nia estrutura própriu, ho nia estatutu, ho nia sede, buat sira ne’e hotu, para ita bele kontrola. So ita kontrola mak ita bele minimiza konflitu sira iha rai laran. Mas ita hanesan ne’e nafatin, ne’e signifika katak, ita abandona, soe sira iha ne’e ba sira oho malu, baku malu, ita ba kaer arte marsiais ba tribunal ita husik deit, tanba laiha evidensia bo’ot, forte para bele kastigu sira”, afirma Lere.

Lidér másimu F-FDTL ne’e mós, husu ba Governu tenke realiza hikas sira-nia propaganda polítika iha kampaña eleitoral tinan hirak liu ba ne’ebé sira promete hodi reativa fali grupu arte marsial sira.

Antes ne’e Governu deside taka ona grupu arte marsial tolu mak hanesan PSHT, IKS no KORK. Tanba tuir Governu nia haree grupu hirak ne’e mak sempre hamosu problema iha rai laran.GMN


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker