GMN TV Justica e Segurança Manuel Tilman: Kazu Lighthouse la’os ba rezolve iha Austrália

Manuel Tilman: Kazu Lighthouse la’os ba rezolve iha Austrália

0 views

Jurista Manuel Tilman, hatete, prosesu ba kazu Lighthouse Corporation tenke rezolve iha rai-laran, tanba prosesu kontratu ne’e halo iha Timor-Leste (TL), la’os iha Austrália.

“Kazu krime normal kódigu prosesu penál no kódigu penal, krimi ne'ebé akontese iha Timor-Leste julga iha Timor-Leste, la’os julga iha estranjeiru. Ha’u hateten karik sibel kona-bá dívida ruma no buat seluk ne'ebé la’os relasiona ho krimi korupsaun ka kona-bá oho ema ou baku ema ne’ebé akontese iha Timor tenki julga iha Timor, a não ser que akontese ho ema ruma ita nia sidadaun iha Austrália, sira bele solisita ita hodi haruka ba Austrália kooperasaun atu kaer ita nia sidadaun iha Timor, lori ba Austrália hatama iha kadeia Australianu, ne'e la iha ou ita la permiti”, hatete Jurista Timor-Oan ne’e ba GMN iha Bebora-Díli, Segunda  (16-12-2019).

Manuel esplika, sé buat balun ne’ebé relasiona ho dívida no korupsaun ho ema iha Austrália ou komete kazu ruma, Austrália bele solisita sai ba liur, maibé Timor-Leste halo kooperasaun ho nasaun sira hanesan Austrália, Canáda no selu-seluk tan.

“Krimi ruma karik akontese iha tribunal Vitoria-Australia no iha ne’ebé deit, bele ba hanesan testamuña, la’os ba hanesan arguidu atu kaer fali sira hatama iha kadeia, ne’e laiha. Ita husu sira katak depois julgadu ka Timor julgadu iha Portugal bele kumpri pena iha Timor, ha’u la fiar sira bele halo nune'e, ha’u hateten sé ema ne'e arguidu ou ema ne'e vitima la ba agora, bele ba hanesan testamuña, bele la’os krimi sivel, ne'e bele krimi ne’e akontese iha Timor, ita lori fali ita nia julga iha Austrália, ne'e laiha“, tenik nia.

Antes ne’e, deputadu bankada CNRT, iha Parlamentu Nasional, Adérito Hugo, hateten, tuir loloos estatutu ba kazu ne’e tenki rezolve ho juridisaun Timor-Leste, tanba kontratu refere halo iha Timor-Leste, la’os iha Austrália.

Entretantu kazu ne’e akontese bainhira empreza husi Austrália ho naran Lighthouse Corporation keixa governu Timor-Leste iha tribunal supremu Austrália, tanba Timor-Leste kansela kontratu ne’ebé asina iha tinan 2010, atu fornese kombustível no jeradór mai Timor-Leste.

Maibé Timor-Leste deside hapara kontratu ho kompañia Lighthouse ne’e, tanba konsidera kompañia Australia refere, ladun fó klareza mai governu Timor-Leste, tanba ne’e, kompañia Lighthouse Corporation eziji Timor-Leste atu fó prejuízu ka multa ba kompañia refere, kuaze USD millaun 500.ety


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker