GMN TV Justica e Segurança PDHJ husu Estadu atu halo protesaun ba inan ho bebé

PDHJ husu Estadu atu halo protesaun ba inan ho bebé

0 views

Provedoria Direitus Humanus no Justisa prepara ona pareser ba Governu no Parlamentu Nasionál, kona bá oinsa halo protesaun diak ba bebé nia inan no bebé sira ne’ebé moris.

Komisaria Provedoria Direitus Humanus no Justisa, Jesuinha Maria Ferreira Gomes hato’o asuntu ne’e hafoin partisipa semináriu nasional ho tema hamutuk identifika kauza no buka solusaun ba problema soe bebé.

Komisaria PDHJ ne’e, preokupa kona ba oinsa Estadu bele halo protesaun diak ba inan no bebé sira ne’ebé moris, no husu ba Governu atu halo  prevensaun ba labarik sira iha Timor-Leste.

Ho preokupasaun ne’e, dadaun ne’e PDHJ prepara ona pareser  ida ba  Governu no Parlamento Nasional  kona bá oinsa bele kria mekanismu ho sistema ida efikas atu bele halo prevensaun ba problema soe bebé iha Timor-Leste.

 “Objetivu halo pareser ne’e, oinsa atu bele fó hanoin ba parte relevante sira liu-liu Parlamentu Nasionál no Governu oinsa sira bele kria mekanismu ho sistema ida efikas, atu bele halo prevensaun ba problema soe bebé ne’e dever Estadu liu husi servisu Governu nian, tanba ne’e presiza halo protesaun diak ba inan no bebé sira ne’ebé moris”, hatete Jesuinha Maria Ferreira Gomes ba GMN iha semináriu nasionál salaun Lalini Larigutu CNE Díli, Kinta (12/12).

Alende ne’e, Prezidente  Grupu Feto  Parlamentu Timor-Leste, Lídia Norberta hatete, kazu kona bá soe bebé ne’e nunka akontese iha tempu okupasaun indonézia maibé iha tempu ukun a’an ne’e  kazu soe bebé ne’e akontese dalabarak ona.

Tanba ne’e grupu feto Parlamentu Nasionál Timor-Leste organiza orgaun legislatura no ezekutivu inklui entidade relevante sira hodi buka solusaun kona bá kazu soe bebé iha Timor-Leste.

Durante ne’e kazu soe bebé iha era ukun aan ne’e mak barak, uluk tempu okupasaun Indonézia laiha, satan ita ko’alia kona bá valores kultura nian, ne’ebé iha tempu beiala nian, nunka rona akontese problema ema soe bebé, maske avo sira kaben feto hat ka lima,  maibé nunka rona no akontese sira soe labarik, entaun ne’e hanesan fenomena ida ba Timor-Leste. Tanba ne’e husu ba orgaun hotu atu buka solusaun ba problema ema soe bebé”,  katak Lídia Norberta.

Nune’e mós Madre Guilhermina Marcal hatete, hahalok inan feton sira soe bebé ne’e, tanba seidauk kompriende lolos kona bá vida umana liga ho ukun fuan Maromak nian.

Tanba sa mak akontese ema soe bebé ne’e, tanba kompriende sala hodi uza sala liberdade no demokrasia, hodi halo ita-nia hakarak, alende ne’e seidauk kompriende saida mak umana ne’e, iha kapítulu Maromak nian hatete katak, ita ema moris feto no mane, sai parseiru ho Maromak nian, ba kontinuidade  propriesaun Maromak nian ema iha mundu, ne’eduni ema ne’ebé sai inan no aman ne’e, hola parte ona iha misaun obra  Maromak nian, ne’ebé koresponsavel ho Maromak”, relata Guilhermina ,

Enkuantu tuir dadus iha nível nasionál ne’ebé rezistu kazu soe bebé hamutuk rua nulu resin lima seidauk sura ho bebé ne’ebé mate ka inan aman abandona.

Fo hanoin katak antes ne’e mós akontese kazu  ema soe no sunu bebé iha Hudi laran Lahane, Bekusi, Aimutin, Bebonuk no Santa Cruz Díli.aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker