GMN TV Justica e Segurança KM Aprova Projetu Deliberasaun no Ezonerasaun ba Calisto dos Santos “Coliati”

KM Aprova Projetu Deliberasaun no Ezonerasaun ba Calisto dos Santos “Coliati”

950 views

Xefe Estadu Maior F-FDTL, Brigadeiru Jenerál Calisto dos Santos 'Coliati'

Governu iha reuniaun Konsellu Ministru (KM), aprova ona projetu deliberasaun kona-ba ezonerasaun no nomeasaun ba Xefe Estadu Maior FALINTIL-Forsa Defeza Timor-Leste (F-FDTL), Brigadeiru Jenerál Calisto dos Santos “Coliati” no Komandante Komponente sira seluk iha F-FDTL.

Projetu deliberasaun kona-ba ezonerasaun no nomeasaun ba Xefe Estadu Maior F-FDTL ne’e, aprezenta hosi Primeiru Ministru (PM) Taur Matan Ruak, no Ministru Defeza (MD), Filomeno da Paixão.

Ministru Prezidénsia Konsellu Ministru (MPCM-sígla portugés), Fidelis Leite Magalhães hatete, mudansa sira hanesan ne’e sempre akontese iha instituisaun F-FDTL nian, no liu hosi mudansa ne’e bele hadia forsa armada sai profesionál liu-tan.

“Proposta ne’ebé aprezenta husi Primeiru Ministru no Ministru Defeza, atu halo nomeiasaun foun ba Xefe Estadu Maior Forsa Armada no Komandante FALINTIL-Forsa Defeza Timor-Leste sira,” hatete Ministru Prezidensia Konsellu Ministru, Fidelis Leite Magalhães, iha Palásiu Governu Kuarta (01/12).

Projetu deliberasaun kona-ba ezonerasaun no nomeasaun ne’e, Governu sei haruka ba Prezidente Repúblika (PR) Francisco Guterres Lú Olo hodi tetu, molok deside ezonerasaun no nomeasaun.

Calisto dos Santos “Coliati” simu pose husi Prezidente Repúblika nu’udar Xefe Estadu Maior F-FDTL), iha loron 29, fulan Outobru 2018. No PR Lú Olo nomeia ba Xefe Estadu Maior F-FDTL, bazeia ba Dekretu Prezidente Repúblika nú 45/2018, 23 de Outobru.

Coliati antes ne’e, asume kargu nu’udar Adidu Defeza Timor-Leste ba Austrália, husi tinan 2014-2018. No Coliati moris iha Suku Darulete, Postu Administrativu Liquiça, Munisípiu Liquiça, iha 10 Agostu, tinan 1959.

Aprova mós alterasaun ba Projetu Dekretu Governu kona-ba Regulamentu Internu Komisaun ba Asuntu Tasi, ne’ebé aprezenta hosi MD. Projetu Dekretu Governu ne’e, mai ho nia sekuénsia hafoin aprovasaun ba Dekretu-Lei númeru 39/2020, ne’ebé kria Sistema Autoridade Marítima (SAM-sígla portugés).

Husi SAM ne’e mak prevé Komisaun ba Asuntu Tasi nian nu’udar órgaun ne’ebé ezerse kompeténsia hodi kontrolu polítika efetivu kona-ba atuasaun Autoridade Marítima Nasionál nian.Fer


Banner

Foto

Notisia Ikus

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...

Kazu óbitu Dengue sa’e ba na’in 9, Governu "falla" iha atendimentu

January 19, 2022
[caption id="attachment_59030" align="aligncenter"...

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...
1 2 3 682

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker