GMN TV Justica e Segurança Lere: Ha’u Jenerál ba Forsa Armada la’ós ba FRETILIN

Lere: Ha’u Jenerál ba Forsa Armada la’ós ba FRETILIN

746 views

Xefe Estadu Maior Jenerál F-FDTL, Tenente Jenerál Lere Anan Timur.

Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur agradese ba konsellu ne’ebé hato’o hosi eis Prezidente Repúblika José Ramos Horta katak, militár labele koalia polítika.

Lere rekuñese nia an katak, nia nu’udar ema ida ne’ebé mai hosi Comité Central FRETILIN (CCF-sígla portugés), maibé nia lidera no koalia polítika kona-ba Forsa Armada nian, la’os FRETILIN nian.

“Ha’u konsidera nafatin ha’u-nia maun, ha’u agradese ba nia konsellu, mais dehan katak labele ko’alia politika, politika ne’e ita dehan katak ne’e sentidu luta ka sentidu boot, ha’u nunka ko’alia kona-ba polítika partidária, ha’u hatete ha’u FRETILIN duni, mas ha’u militár, katak ha’u netralidade ba Estadu ida ne’e, ha’u tenke kumpri ha’u nia militár, se ha’u fó ezemplu arte marsiais nian mós ha’u kuandu Jenerál Forsa Armada la’os Jenerál ba arte marsiais, ha’u Jenerál mai husi FRETILIN, mas ha’u Jenerál ba Forsa Armada la’ós ba FRETILIN,” afirma Lere Anan, hafoin hasoru malu ho Prezidente Repúblika, iha Palásiu Prezidensiál Bairo-Pité Díli, Kuarta (01/12).

Kona-bá apoiu husi Xanana Gusmão, Lere hatete, kestaun konsiderasaun, kona-ba kestaun morál no irarkia, no rekoñese labele hakat liu nia maun sira.

“Sé ha’u nia maun Xanana kandidatu aan ba Prezidente Repúblika, ha’u atu ba konkore ho nia ha’u labele, querdizer ha’u konsidera sira nafatin hanesan maun, la’ós atu tula liman mas atu dehan katak ha’u ne’e maun Xanana nia oan sarani kedas, alende oan sarani ha’u ne’e nia alin rasik, be agora nusa?  Ne’e ha’u tenki fó konsidera nia, la’ós atu husu para Xanana atu tula liman ka la tula liman, ha’u konsidera hanesan maun Xanana maun Mari, Lú Taur hau konsidera sira nafatin” tenik.

Nia dehan, iha Eleisaun Prezidensiál tinan 2022, sei karik kandidatu nia an, dahuluk nia sei konsulta ho Xanana Gusmão, Mari Alkatiri, Ramos Horta, Lú Olo, ofisiais F-FDTL sira, liu-liu ofisiais jenerais no mós Igreja Katóliku no amu Bispu sira.Ben


Banner

Foto

Notisia Ikus

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...

Kazu óbitu Dengue sa’e ba na’in 9, Governu "falla" iha atendimentu

January 19, 2022
[caption id="attachment_59030" align="aligncenter"...

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...
1 2 3 682

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker