ARGUIDU KRIME GRAVE BELE JULGA IHA TRIBUNAL INTERNACIONAL

Karim Khan Prezidente Internasional Criminal Court Bar Association (ICCBA)

Prezidente Internasional Criminal Court Bar Association (ICCBA) Karim Khan dehan arguidu sira ne’ebe involve iha krime grave tinan 1975 ho 1999 bele julga iha tribunal internasional, depende ba vontade husi Estadu.

Kamir Khan haktuir lia hirak ne’e bainhira halo sesaun perguntas husu no hatan iha seminário internacional ne’ebe koalia kona ba tribunal penal internacional. “Kualker akuzadu husi nasaun ne’ebe deit ba krime humanidade bele julga iha tribunal internacional, maibe tanba buat direitu internacional ne’e sensível oituan, mak atu trata tenki tau ketak tiha politika, no ida ne’e mos depende ba Estadu rasik atu halo proposta, maibe susar mak tribunal internacional ICCB la iha juridiksaun ba krime tinan 1999,’’ dehan Karim iha Hotel Timor, Kinta (10/08).

Iha fatin hanesan prezidente defensor publiku Sergo Hornai hatutan ema hotu hatene direitu penal internasional TL mos nasaun vas parte, tanba lei numeru 15/2006 koalia kona ba krime graves ne’ebe lao hela no konstituisaun RDTL mos rekunhese krime grave ne’ebe akontese iha Timor. “Iha posibilisdade ba ita atu kontinua prosesa lori ba tribunal internacional, depende ba lei rasik no vontade politika sira nian no estadu sira hare kestaun ne’e nesesario duni ka lae atu prosesa agora, prosesu ne’e mos akordu ona julga iha tribunal adhoc’’ esplika Sergio.

Agora Timor Leste kria ona relasaun diak entre nasaun rua ne’e, tanba ne’e, tanba ne’e importante labele hamosu instabilidade entre nasaun rua ne’e. Nune’e mos Prokurador Jeral da Republika (PGR), José Ximenes da Costa hatete kona ba krime graves ne’e Timor Leste komitmentu ona julga iha tribunal internasional. “ Ida ne’e kestaun Estadu nian, laos liga ba PGR,  regras krime graves ne’e atu lori ba tribunal internacional ICCBA ne’e vontade Estadu nian,’’ tenik José. nia