MP KONTINUA INVESTIGA KAZU TIRU TIAGO INACIO COELHO

Ministériu Públiku (MP), kontinua hala’o prosesu investigasaun hodi hatene konaba bala-musan ne´ebé mak hamate vítima Tiago Inacio Coelho iha Bebonuk.

Kazu  tiru mate, Tiago  akontese loron  Sabadu (06/05/2017),  mais ou menus tuku  08:00 kalan oras Timor-Leste. “Ita  tenki   investiga  ho kuidadu labele falha  ema dehan ami  laiha kapasidade.  Tanba  ne´e PNTL halo esforsu  hotu. Testamunha   barak mak   ita rona ona, mas izame balistiku   ne´e  importante tanba ne´e mak ami sei hare´e didiak  no analiza  hamutuk   orgaun  Polísia krimial bele garante, prosesu ne´e la´o neneik  mas bele responde ba ijijensia vítima sira nian,“informa  Prokurador Jeral  Repúblika, José Ximenes, ba jornalista sira,  Kinta (10/08/2017) iha  Hotel Timor Díli. Kazu  refere antes   ne´e   Polísia Nasionál  Timor-Leste (PNTL)  Servisu Investigasaun Kriminal  loke  ona  prosesu  investigasaun, hafoin ne´e  entrega ba iha investigador MP hodi kontinua loke  prosesu ba kazu ne’e. Antes  ne´e mós  familia matebian  husi Tiago Inaçio Coelho, eziji  MP atu halais  prosesu  investigasaun, tanba  sira konsidera prosesu ba kazu ne´e kleur liu. “Vítima familia sira labele eziji halaís  prosesu, depois prosesu la´o mak falha  dehan  MP  mak falha. Entaun ami la halo servisu tuir   familia ninian, ema ninia ezijensia, maibe ami halo  servisu  tuir  nesesidade   prosesual,  ita la´os hatama ema naran deít, nein loron ida minutu ida, bainhira  ita identifika  fiksa  foin bele liga ba Tribunal,“dehan José Ximenes. avi