PNTL ALERTA 2 TO´O FORMA GOVERNU

Polísia Nasionál Timor-Leste (PNTL), agora dadauk alerta 2, hodi bele garante seguransa to´o forma VII Governu.

“Situasaun jeral  hanesan ita hotu akompaña durante semana ida  ne´e la´o kontroladu, ita PNTL sei nafatin alerta 2 to´o formasaun Governu  hein to´o fim de Agostu nia laran,”esplika Komandante Operasaun PNTL,  Superintendente Xefi, Henrique da Costa, ba jornalista sira, Segunda (07/08/2017) iha Tower Fatuhada Díli. Nune´e mós Henrique da Costa, esplika kona-ba kontiudu husi alerta 1 no 2  ne´ebé mak PNTL hala´o durante ne´e hodi fó seguransa ba eleisaun prezidensial no eleisaun parlamentar ne´ebé mak hala´o iha fulan  Julhu ba kotuk. “Alerta 1 ne´e  signifika katak ita hotu tenki konsentra  hotu iha kantor (Eskritoriu-red)  hodi hala´o servisu. Alerta 2  katak,  ita-nia membrus sira fahe ba  shift rua hodi responde ba situasaun saida de´it mak akontese,”dehan Henrique da Costa.avi