TR KONDENA EIS SEOP DOMINGOS CAEIRO KOMARKA TINAN TOLU

Tribunal de Recurso (TR) kondena eis Sekretariu Estadu Obras Publiku (SEOP), Domingos do Santos Caeiro ho pena komarka tinan tolu fulan neen no selu kustu judicial U$ 200.00

Tuir informasaun ne’ebe JNDiario asesu husi seksaun registu TR fo sai katak, TR absolve tiha krime abusu de poder artigu 297  no partisipasaun economia do negosiu artigu 299 codigu penal Timor-Leste  ne’ebe antes ne’e Ministeriu Publiku akuza ba arguidu Domingos. TR halo fali alterasaun juridiku ba  krime administrasaun danosa artigu 274 codigu penal Timor-Leste, nune’e TR kondena Domingos ho krime refere. Prosesu ho numeru NUC: 1302/II/PDSUA TR hasai desizaun iha loron 20 fulan Jullu ne’e no iha loron 31 fulan Jullu ne’e mak foin notifika parte Ministeriu Publiku ho defeza husi advogadu. Desizaun rekursu kondenadu Domingos Caeiro ne’e kaer husi juiz relator Maria Natercia akompaña husi juiz Deolindo do Santos inklui juiz Guilhermino da Silva. Domingos Caeiro sai SEOP iha IV Governu ne’ebe lidera husi Kay Rala Xanana Gusmão, izaun momentu ne’eba Domingos diskunfia komete iregularidade iha projetu halo estrada iha Maliana municipiu Bobonaro. Nia