TDD kontinua hamosu sasin ba kazu kontentór rua lakon

Tribunál Distritál Díli (TTD) kontinua hala’o julgamentu ba kazu kontentór rua ne’ebe tula sai hosi portu sein selu taxa ba alfándega.

Iha audénsia julgamentu ne’ebé hala’o  iha tuku 11:00 otl ne’e, hamosu testamuña hodi presta deklarasaun em relasaun ho kazu kontentór.

Iha nia deklarasaun sasin, Julio Martins (kondutór) deklara katak nia tula duni kontentór rua refere  hamutuk ho nia ajudante Mariano Martins Pereira hafoin simu Delivery Order (DO)  hosi Arguidu (FCB) hafoin tula ba fatin X-Ray hodi halo scan hosi parte alfándega.

Maibe nia lahatene ekipamentu no sasan hirak iha kontentór laran no bainhira ba halo scan ba kontentór ne’ebé nia tula, ajudante maka lori DO hodi halo cheking hafoin halo hotu scan kondutór kontinua lori ba fatin destinu, armazen kompañia Salimagu, Fomentu II, tuir instrusaun ne’ebé fó.

Hafoin rona deklarasaun hosi sasin, Ministériu públiku husu ba juíz atu marka audíensia julgamentu hodi bele rona deklarasaun hosi testamuña sira seluk.

Nune’e juíz koletivu deside adia sesaun julgamentu ba loron 29 fulan Setembru horas 14:00 lorokraik.

Segundu akuzasaun, Ministériu Públiku (MP), tuir termu iha artigu 236 no artigu 14 hosi kódigu ba prosesu penál  hasoru arguidu sira ho inisiál FF, FESD, MM no JSX  ne’ebé akuza ho krime fraude fiskál tuir artigu 314 no.1 hosi Kódigu penál.

Audiénsia julgamentu ba kazu ne’e prezide hosi juís koletivu Ivan António Suritay, Edite Palmira, Maria Modesta, lezada hetan asisténsia legál hosi defensór públika Estaquio Guterres no Advogada privada, reprezenta Ministériu Públiku Amrosio Rangel Freitas. zil