Fen-laen selingkuh tipis-tipis, utiliza sala telephone

Vise Ministru Estatal  José Anuno hatete katak, kaben nain ne’ebé simu ona sakramentu kaben hodi moris hamutuk  iha uma kain ida, maibé sei kontinua selingkuh tipis-tipis, tamba utiliza sala telephone.

“Ha’u  nia kolega no apa ho ama,  joven  foinsa’e   sira  balun  uluk  telephone  laiha  hadomi  malu  to’o  mate  ,maibé  agora  telephone  barak   ona  Servisu  de  Mensagens  Curtes   (SMS)  tun  sa’e  lá  hatene  SMS  sira  ne’e  ba  ne’ebé  linha  sira  ne’ebé  mak  agora  dadauk  iha  Timor  laran  tomak  ne’e  iha  kuak  laran  mós  ita  bele  hetan  saida  mak  akontese  primeiru  SMS  tipis-tipis  de’it  ,segundu  koko  telephone  ona  tipis-tipis  de’it  hatete  depois  ita  hasoru  malu  iha  ne’ebé  selingkuh  dala  barak  akontese  tamba  ida  ne’e”, hatete  Vise  Ministru  Estatal  José  Anuno, ba  GMN  iha  Ministeriu  Estatal  Segunda  (13/11) .

Tuir   Vise  Ministru  Estatal  José  Anuno, katak,  moral  nasaun  importante  tebes,  tamba  iha  Timor –Leste  feto  ho  mane  balun  ,hari  uma  kain  tiha  ona  ,maibé  la  kleur  soe  malu   hodi  ba  kaben  fali  ho  ema  nia  laen  ou  fen.

“Ita  koalia  kona-bá  moralitas  ba  ita  nia  nasaun,  ema  kaben  tiha  ona  kaben  tan  ho  ema  seluk  ,kaben  illegal”, hatete Vise Ministru  Estatal.

Vise  Ministru  Estatal  nu’udar  mós  aman  husu  ba  joven  foinsa’e  Timor  oan  sira  labele  halo  tuir  ateitude  immoral  ne’ebé  mak  mosu  ona  iha  Timor  ne’e,  tamba  ne’e  sai  modelu  ida  ne’ebé  mak  ladiak  ba  nasaun  doben  ida  ne’e.

“Hau  dehan  foinsa’e  Timor  oan   sira  haree  ida  ne’e  ,wanhira  hakarak  atu  uza  sai  ba  imi  nia  futuru  no  sai  modelu  Timor-Leste  tetu  didiak  labele  halo  gaya  de’it”, dehan Jose Anuno.

Tuir  nia haree,  fen  ho  laen  hala’o  servisu  iha  Munisipiu  ketak-ketak  ne’e  haluha  tiha  ona  komunikasaun  entre  fen  ho  laen,  tamba  selingkuh  fali ona  iha  fatin  servisu.

“Maske  dok  malu  ,maibé  tenki  rindu  nafatin  rindu  malu  importante  tebes –tebes  nu’udar  fen  ho  laen  mane  ida  ho  feto  ida  mak  sai  oan  ida ,familia  no  uma  kain  ida. Hadomi  o  nia  laen  nafatin  no  hadomi  o  fen  nafatin  ,hadomi  oan  nafatin  ita  hadomi  malu  importante  tebes” sujere Vise Ministru  Estatal.tos