Suspeitu 140 submete ba prosesu interogatoriu

Tribunal Distrital Dili halo primeiru interogatoriu ba suspeitu hamutuk nain 149 ne´ebe polisia kaer iha area Taibesi Segunda (6/11) semana ne’e, tanba deskunfia envolve pratika arte ritual.

Suspeitu nain hirak ne’e to’o iha Tribunal Distrital Dili, Sesta (10/11), iha oras tuku 02:00 resin  akompaña husi ajente  polisia sira ho armas kompeltu nebe’e  fo segurnsa  ba suspeitu sira.

Suspeitu sira diretamente tama kedas ba sala audensia julgamentu  hodi submete  ba prosesu interogatorio,durante prosesu interogatorio, parte polisia  fo nafatin segurnsa iha resintu tribunal nian, tanba familia barak mak hein no akompanha prosesu ne’e iha liur.

Polisia kaer suspeitu hirak nain 149 ne’e  iha loron oalu,  madrugada iha area Taibesi, tanba diskunfia  halao  aktividade arte ritual, polisia mos konsege hetan  evidensia iha fatin serimonia hanesan  fahi, manu, bua ho malus no tudik.

Prosesu interogatoriu ne’e sei kontinua lao no seidauk iha  desizaun final husi tribunal ba suspeito nain 149.

Interogatoriu ne’e prezide husi juiza Zulmira Auxiliadora, Ministeriu Publiku reprezenta husi procuradora Bemvinda do Rosario, suspeitu sira hetan asistensia legal husi defensoria publiku. nia