Durante Natal, PNTL detein joven 15 iha sela

Polísia  Nasionál Timor-Leste (PNTL), durante selebrasaun loron bo’ot Natal, tinan ne’e,  detein  juventude  nain 15 iha sela  tanba  deskonfia  involve  iha tipu krimi oi-oin.

Juventude sira  ne´e, Polisia  Nasionál  Timor Leste (PNTL) Munísipiu  Díli  kaer komesa  iha loron 23 to’o 25 fulan Dezembru, tinan ne’e.

“Total  iha sela  ne´e hamutuk ema nain 15,  no nain rua seluk  detein iha ne´e, maibe  responsabilidade kontrola  husi Seksaun Investigasaun Kriminal Nasional, joven nain rua  ne´e  bele  ohin  lori  ona ba  Prijaun Preventiva,“esplika Segundu  Komandante Polisia  Nasionál  Timor Leste (PNTL) Munísipiu  Díli, Superitendente Assistente  Euclides Belo, ba  GMN, Tersa (26/12/2017), iha nia kna´ar fatin Caicoli Díli.

Entre  kazu   15  ne´e,  akontese iha area  Cristo-Rei  Akanunu ninian, entre    grupu  artemarsiais,   ne´ebé  mak  tanta  problema. “Tanba   ne´e  mak  PNTL   kaptura  joven  nain 9, agora dadauk  ita detein  hela  iha sela  laran,   tanba   involve  iha kazu artemarsiais,“dehan Eucllides Belo.

Euclides Belo dehan, ligadu ba kazu  artemarisiais  nian ne´e  parte PNTL  prepara  tiha ona auto notisia    ba  iha  Ministériu  Públiku  hodi  kontinua submeta  nafatin.

“Prosesu  la’o  hela, maibe ami labele temi artemarsiais ida ne´ebé,  mai  ami nia diskonfia ba sira nain 9  ne´e  involve  iha artemarsiais,  ne´ebé  mak lei numeru 5/2017 haruka taka  ona,  signifika  labele ijisti  ona. Ne´e  laiha tolerensia  kuandu  kontinua paratika,“dehan Euclides Belo.

Nune´e  mós  Polísia kaptura sidadaun nain rua ligadu   iha area Dom Alexio nian, tanba fan ba  fugetis, maibe laiha lisensa,   no  iha  mós kazu   violensia domestika akontese  iha area Vera-Cruz  ninian.

“Prosesu  sira ne´e  Polisia  sira sei  kompleta hela  auto  notisia,“dehan  Euclides Belo. avi