PNTL kaptura autor fasilita Tiago Guerra ho Fong Fong

Polísia Nasionál  Timor-Leste (PNTL) liu husi Servisu Investigasaun Kriminal (SIK) Sesta (08/12/2017) iha oras tuku 16:00 OTL lorokraik, ezekuta mandadu Ministériu Públiku halo buska  hodi  kaptura kompaña Ró  nain ne´ebé mak  tula Tiago Luis  Guerra   ho Fong Fong Guerra, ba Darwin Australia.

Husi  buska  SIK nian ne´e kaptura  suspeitu  nain tolu kompostu husi,  Natalino  Evangelista da Silva Faria  nudar   diretor Corais Timor  hanesan Ró nain,  Malaquias  Tefer  da Silva Faria, nu’udar kapitaun Ró, no Davide  Damião  Justino, hanesan kapitaun Ró sidadaun portugues.

Tuir dadus sidadaun sira ne´e  involve   iha krimi favorestimentu  pesoal no  falsifikasaun  dokumentu  públiku. Nuc 0194/17.PNSIK.

Enkuantu identifikasaun no espesifikasaun  Ró nian naran  titular   nain Natalino  Evangelista da Silva  Faria. Naran  kompaña   ka individual no. fatura   Bounty  LNCDRMR 32 Timor-Leste, Numeru rejistu  LNCDRMRC.00024.08.17. Tipu lisensa  peska desportiva, mergulho  e rerekeativa  koletiva.

Alende    ne´e,   iha loron  16  fulan  Novembru  2017, suspeitu  Davide  Damião  Justino   ho Malaquias Tefer da Silva  Faria, dada  Ró   ho kareta ne´ebé mak Davide Damião Justino  nian ho numeru matrikula  17-282 Timor-Leste ho modelu pic up  husi Díli  ba Same   Betano.

Iha loron  17 fulan Novembru  2017, entrega   Ró  iha tasi  ibun Betano  Same  ba arguido Tiago  Luis Guerra ho Fong Fong Guera  hodi hala’o  ba Darwin Australia.

Alende  ne´e tuir  observasaun GMN, iha rezidensia Natalino  Evangeslista da Silva Faria  no Malaquias Tefer da Silva  Faria  nian iha  Manleuna, konsege  rekolha   osan no  prende   pasaporte tanba sidadaun  nain rua ne´e kaer pasaporte rua, Timorense no Portuguesa no evidensia seluk tan.

Hafoin halo buska,  SIK lori suspeitu   nain tolu  ne´e ba submete ba prosesu investigasaun iha SIK Kuartel Jeral PNTL  hodi detein oras 72 iha sela Polísia  depois submete ba primeiru  interogatoriu. Avi