João Câncio seidauk rembolsa indeminizasaun U$1.4 milhoens ba Estadu

Prizoneiru João Câncio to’o agora seidauk rembolsa osan indeminizasaun hamutuk U$1.4 milhoens ba Estadu, tanba seidauk livre husi komarka.

Lia hirak ne’e hato’o husi advogadu privadu João Câncio, José Guterres katak lei la determina  prazu atu rembolsa osan sira ne’e no João Câncio mos iha hela prizaun laran, nia hetan osan husi ne’ebe mak atu selu.

Ba nia João Câncio kumpri ona nia pena no kona ba indeminizasaun ne’e, hanesan sidadaun Timor sei la halai no sei selu tuir nia kapasidade ne’ebe iha.

“Depois osan ne’e mos laos oituan, nia osan la iha atu selu dala ida deit, entaun depende ba nia kapasidade finanseiru, bele nia sai mak nia hahu servisu fali mak selu faziadamente,’’ dehan José ba jornalista sira iha nia knar fatin Lecidere, Kinta (11/01).

João Câncio tenki rembolsa osan U$1.4 milhoens ne’e relasiona ho desizaun Tribunal de Recurso ne’ebe kondena arguidu komarka tinan 4 ba krime administrasaun danoza, tanba provadu João Câncio komete iregularidade balun iha estabelesementu Televizaun Eduksaun iha Ministeriu Edukasaun kuatru Governu nian.

João Câncio hahu tama prizaun Becora iha loron 26 fulan Jullu tinan 2017 ne’ebe polisia sira ba foti kodenadu iha nia uma Fomentu no iha loron 26 ne’e kedas parte estabelesementu prizional Becora transfere fali João Câncio ba prizaun Gleno to’o ohin loron. nia