Aimoruk item 18 iha kontentor 9 potensia ba droga

Rezultadu teste ba amostra (sampel) aimoruk Parasetamol, Caffeine no Carisopodrol (PCC) husi toneladas 162 ou kontentor sia, ne’ebe halo husi Badan Nasional Narkotika Indonezia hatudu katak aimoruk item 18 iha potensia ba droga.

“Rezultadu ne’ebe hau simu, aimoruk item 18 ne’e iha pozitivu no diak tebes hodi suporta prosesu investigasaun, maibe hau seidauk bele esplika detaillu konaba ambitu investigasaun involve se, tanba materia ne’e sei iha faze investigasaun nia laran ne’ebe sujeita ba segredu justisa, nune’e ita bo’ot sira mak bele halo interpretasaun ba,”dehan Prokurador Geral da Republika (PJR), José Ximenes, ba jornalista sira liu husi konferensia da emprensa ne’ebe halao iha edefisiu PGR, Colmera Kuarta (21/2/2018).

Iha fatin hanesan komandante jeral PNTL, Julio Hornai dehan prosesu investigasaun seidauk remata, maibe husi rezultadu ne’ebe iha, bele suporta tebes prosesu investigasaun bele lao to’o rohan, tanba ne’e wainhira prosesu investigasaun hotu ona mak foin bele hatene lolos aimoruk hirak ne’e.

Antes ne’e iha loron 27 fulan Janeiru tinan 2018, Tribunal Distrital Dili foti desizaun husi primeiru interogatoriu ba arguidu H, MK no JP ne’ebe deskonfia hatama kontentor ne’e, hodi aplika TIR ba arguidu nain tolu ho krime tolu ne’ebe ministeriu publiku akuza hanesan, brankamentu kapital, asosiasaun kriminozu  no kombate trafiku droga la sufsiente. Ita