Polísia sei prende kareta ho motor láiha assesores

Segundu Komandante PNTL Munisipiu Dili, Superintendente Asistente Euclides Belo hateten, Polísia la tolera transporte publiku hanesan kareta no motor ne’ebé halo movimentasaun la utiliza assesores  kompletu sei prende.

“Transporte hotu-hotu ne’ebé iha utiliza abontade maibe tenki iha sapa matrikula kompletu no labele lian makas, kuandu Polísia hetan la tolera no sei foti medida,”  afirma, Segundu Komandante Munisipiu Dili, iha nia knar fatin, Caicoli, Tersa  (24/04/2018).

Adjuntu Polisia Munisipiu Dili,  husu ba publiku wanhira uza motorizada maximu ema nain rua tenki uza kapaseti, asesores motorizadas tenki tuir estadandar no labele uza kanu resin.

Tan ne’e, komandu orienta nafatin Polísia Unidade tranzitu kontinua pasa revista ba kareta no motor sira ne’ebé kontinua la kumpri lei kodigu Estrada.

Opurtunidade ne’e, Segundu Komandante PNTL Munisipiu Dili, ba motorista ne’e uja kareta no motor movimentu diariamente iha tempu loron no kalan labele lori sasan kroat, sé ida ne’e maka polísia hetan sei aplika sansaun tuir lei ne’ebé iha.

Nia mos kontinua alerta ba Utentis sira ne’ebé utiliza kareta tenki tuir regras laos utiliza fali kareta estadu ba misa no tula Familia ba Merkadu. Se ida ne’e maka Polisia identifika sei Kaptura.eus