UPF pasa revista ba transporte públiku

Unidade Polísia Fronteira (UPF) Polísia Nasional Timor-Leste (PNTL), hala´o pasa revista iha  fronteira Timor-Leste ho nasaun viziñu sira hodi fo seguransa ba festa demokrasia   ne´ebé agora dadauk la’o hela iha rai laran.

Alende ne´e  membru Polísia sira mós hala´o pasa revista ba dokumentu kareta no motorizada sira ne´ebé mak liu iha Postu UPF, Batugade.

Tuir pesoal UPF balun haktuir, pasa revista  ne´ebé mak sira hala´o relasiona ho deklarasaun Komandante Jeral PNTL Komisariu Julio Hornay no Xefe Estadu-Maior Forsas Armadas, Majór Jenerál Lere Anan Timur, foin dadauk iha Kuartel Jeneral F-FDTL, hodi fo orientasaun ba Komando PNTL no PNTL iha munisípiu ida-idak atu hala´o pasa revista hodi fo seguransa ba atividade kampaña eleitoral ho susesu.

Antes ne´e Komandante Jeral PNTL, Julio Hornay, husu  membru sira atu servisu maka’as  iha terenu hodi antesipa karik militante balun aproveita situasaun  hodi kria konflitu  iha ámbitu antes kampaña eleitoral no eleisaun antesipada to´o  kontajen  remata hodi  anunsiu rezultadu hodi  forma VIII Governu.

Alende ne´e, Majór Jenerál Lere Anan Timur, hateten, nu’udar Timor oan ema hotu hakarak estabilidade, tanba  ne´e instituisaun rua ne´e ténki servisu hamutuk hodi garante seguransa ba atividade kampaña eleitoral no eleisaun antesipada.avi