MDS rekomenda governu asegura FM

Ministru Defeza no Seguransa (MDS), José Agostinho Sequeira ‘Somotxo’ rekomenda ba governu, liu-liu Ministru Defeza no Seguransa foun ne’ebé sei maim, atu tau atensaun ba seguransa hodi asegura Fronteira Marítima (FM) no kadoras Greater Sunrise (GS). 

“Preokupasaun ba defeza no seguransa ne’e tenki aas tebes, hatene halo jestaun ba buat hotu-hotu ho responsabilidade foun ne’ebé agora mosu mai ne’e, ita labele hela hanesan ne’e. Pur ezemplu hanesan ita nia Fronteira Marítima ho kadoras,”hateten MDS, José Agostinho Sequeira ‘Somotxo’ ba jornalista sira hafoin enkontru ho Prezidenti Repúblika (PR), Francisco Guterres Lú Olo iha Paláciu Prezidénsial Nicolau Lobato Díli, Tersa (22/5).

Ministru Defeza no Seguransa (MDS), José Agostinho Sequeira ‘Somotxo’ fiar katak ministru defeza no seguransa foun sei iha responsabilidade hodi haree ba kestaun ne’e.

“Ne’ebé ne’e hanesan polítiku governu foun nian sira nia programa, ha’u fiar katak ministru foun defeza no seguransa ka interior bele preokupa ho responsabilidade foun ne’e,”nia hatutan.

Iha okaziaun ne’e MDS mos hato’o parabéns ba povu tomak no partidu hotu ba forsa armada no seguransa no ba jornalista sira ne’ebé kontribui ona ba paz no susesu ba kampaña no eleisaun antesipada tinan ne’e.ías