Posting liafuan ras iha FB, PCIC kaptura fen ho laen

Polícia Científica Investigação Criminal (PCIC), Tersa (15/05/18), kaptura suspeitu nuudar fen ho laen, tanba uza ID falsu hodi posting insitamentu de guerra no krimi diskriminasaun rasial liu husi media sosial facebook (FB).

Suspeitu nain rua hanesan funsionáriu  públiku,  ho inisial JS  feto no  JP nuudar mane, PCIC kaptura,   iha  sira-nia servisu fatin.

Hafoin kaptura suspeitu nain rua ne´e PCIC lori ba halo identifikasaun iha edifisiu PCIC Caicoli-Díli durante  oras 12 nia laran.

“Enkuantu iha posibilidade iha indisius ba krimi ne´ebé mak ita  rezumu hela ita bele intrega nia ba primeiru interogatoriu,“ esplika Adjuntu Diretor PCIC Adino Nunes Cabral ba  GMN iha  PCIC Caicoli Díli.

Publikasaun   insitamentu de guerra  no diskriminasaun rasial iha facebook, tuir  nia bele  prejudika estabilidade Estadu, entaun Polícia Científica  ne´ebé mak  iha kompetensia hanesan orgaun  Polícia criminal  halo atuasaun ba nia hodi submete ba investigasaun.

“Hanesan indisus  ita sujeita  hela ba  segredu  justisa orsida  prosesu la´o, enkuantu rejistadu iha posibilidade ba iha  primeiru interogatoriu, investigasaun mak sei termina  hotu ida ne´e,“dehan Adino Nunes Cabral.

Entretantu  tuir informasaun  ne´ebé PCIC fo sai katak, JS  feto (Fen) no  JP nudar mane (Laen), posting iha Facebook no PCIC  fó sai ba media mak hanesan “Povu Oecussi mai Díli karik la´o kuidadu a´an, liu-liu supir taxi no estudante sira rama ambon is back, kuitadu keta halo hanesan ne´e  sira buka moris, no seluk tan ne’ebé hatete lorosa’e no loromonu, no sei barak mak“.

Alende ne´e tuir artigu 134 kódigu penal, ema ne´ebé ho meiu naran ida , publikamente repitadamen insita, odiu hasoru rasa povu ka nasaun ruma ho intensaun atu provoka funu ka atu impede konvivénsia pasifiku entre rasa, povu ka diversu sei hetan pena prijaun tinan 2 to´o tinan 8.

Iha artigu  135 kódigu penal, diskriminasaun rasial  ka relijioza.

Primeiru ema ne´ebé funda konstitui organizasaun ka dezenvolve propoganda hodi insita ka enkoraza atu halo diskriminasaun , odiu ka violensia, rasial ka relijioza no mós ema ne´ebé partisipa ka fó sistensia, inkluindu finansiamentu ba organizasaun ka atividade ne´e sei hetan pena prijaun tinan 4  to´o tinan 12.

Segundu ema ne´ebé iha reniaun públiku ho eskrita atu halo divulgasaun ka ho meu ba komunikasaun sosial naran ida, difrenete idea ho intensaun atu insita ho diskriminasaun rasial ka relijioza atu enkoraza ka provoka aktu violentu hasoru grupu ruma tanba nia rasa, kor orijin étnika ka relijiaun sei hetan pena tinan 2 to´o tinan 8. avi