TDD aplika aprezentasaun periodika ba suspeitu tá laen

Tribunal Distrital Dili (TDD) deside medida koasaun aprezentasaun periodika ba suspeitu ho inisial FSB ne’ebe tá nia laen ho katana.

Hafoin desizaun suspeitu nia Defensor Publiku Jonas Hendrique konsidera  medida koasaun ne’e mak diak liu ona ba nia kleinte.

“Ita mos husu duni medida koasaun ne’e, no tribunal deside duni ida ne’e, ne’ebe kada semana semana suspeitu tenki aprezenta nia an ba estasaun polisia ne’ebe besik liu,’’ dehan Jonas ba jornalista sira iha TDD, Tersa (29/05).

Defensor ne’e mos informa motivu husi problema ne’e tanba,  tanba iha loron Domingo (25/05) semana kotuk ne’e iha rea Kristu Rei supeitu ba asisite espozisaun iha Kaikoli fila kalan bot, nune’e kuando suspeitu fila ba uma nia ho nia laen hahu deskute malu mak hodi rezulta suspeitu ta nia laen nia ulun.

Primeiru interogatorio ne’e prejidi husi juis singular Duarte Tilman, Ministeriu Publiku reprezenta husi prokurador Afonso Lopez, suspeitu hetan asistensia legal husi defensor publiku Jonas Hendrique. nia