TDD aplika prizaun preventiva ba autor rama ambon nain 3

Tribunal Distrital Dili (TDD) aplika medida koasaun ba autor rama ambon nain tolu ho inisial C hotu, ne’ebe diskunfia durante ne’e uza rama ambon hodi hana ema iha Dili laran.

Tribunal aplika medidada koasaun prizaun preventiva ne’e, tanba tuir tribunal arguidu sira iha indisius ba krime armas branka ho tentativu omesidiu ne’ebe Ministeriu Públiku akuza ba arguidu nain tolu iha prosesu primeiru interogatoriu.

Arguidu sira ne’e nain rua parte polisia kaptura iha municipiu Ermera no ida seluk kaptura iha Tasi-tolu iha semana kotuk nia laran, polisia halo buska ba sira nain tolu tanba hetan mandadu kapturasaun husi tribunal ne’ebe diskunfia arguidu nain tolu ne’e iha tinan 2017  halo movimentu iha Dili laran lori ho rama ambon hodi hana ema.

Hafoin desizaun polisia sira lori kedas arguidu nain tolu ne’e ba prizaun Becora hodi hein prosesu investigasaun, nune’e hakat ba julgamentu.

Primeiru interogatoriu ne’e prejidi husi juiza Maria Modesta, Ministeriu Públiku reprezenta husi prokurador Bartolomeu Araujo no arguidu sira hetan defeza husi advogadu privadu Lafaek advogadus. nia