UEP simu ona orden treinu kombate terrorizmu

Komandante Unidade Espesial Polísia (EUP) simu ona orden husi Komando Jeral Polisia Nasional Timor-Leste (PNTL) atu hala´o treianamentu simulasaun, nune’e kombate ameasa terrorizmu ruma ne’ebé akontese iha nasaun ne´e.

Tuir planu treinamentu ne´e sei hala´o de´it iha Kuartel UEP Bairo-Pite Díli.

Tanba  ne´e mak iha Tersa (22/05/18)  komando Unidade Espesial Polísia, konsentra hikas forsa unidade hotu-hotu iha Kuartel UEP Bairo-Pite Díli, atu sub unidade ida-idak hala´o fali treinamentu simulasaun, tanba durante fulan tolu ona membru hala´o de´it seguransa iha terenu antes depois  de eleisaun antesipada termina ona iha loron 12 fulan Maiu, tinan ne´e.

“Ami simu ona orden husi Komando Jeral  atu hala´o treinamentu simulasaun ida,“esplika Komandante Unidade Espesial Polísia (UEP), Superintendente Xefe  Afonso dos Santos, ba GMN iha Kuartel  UEP Bairo-Pite Díli hafoin partisipa formatura hodi fó instrusaun ba   membru sira.

Maibe Afonso dos Santos  dehan,  Unidade Espesial Polísia nia treinamentu tuir nia moto laiha loron ida mak laiha treinamentu.

Nune´e iha tempu badak  mós membru  UEP balun sei partisipa treinamentu ba misaun ONU no mós kursu lingua Portugues. Alende ne´e mós sei haruka membru nain 10 ba partisipa treinamentu sino téknika kona-ba anjing pelacak nian ne´ebé mak sei hala´o iha Portugal.avi