Zero toleransia ba PNTL prátika polítika

Komando Polísia Nasionál Timor- Leste (PNTL) Munisípiu Díli, sei la  tolera ba nia membru PNTL mak  prátika  iha vida  polítika.

“Zero toleransia ba  membru sira  nia  ne´ebé mak prátika ba  iha  polítika. Tanba  ne´e mak ami sempre alerta ba membru tomak sira hotu hala´o servisu tuir  lei  ne´ebé  mak  iha,“esplika Komandante PNTL  Díli Superintendente Xefe Pedro Belo, ba  jornalista sira, Segunda (30/04/18), iha Kuartel PNTL, Caicoli, Díli.

Pedro hatutan, durante kampaña eleitoral to´o mai agora nia parte seidauk simu keisa ruma  husi komunidade katak, nia membru  PNTL Díli  involve iha partidu A ka B.

“Ne´e  hatudu  katak, PNTL   Díli, hotu-hotu servisu to´o eskuadra, sira  komesa hatene  no komprende  lolos sira ninia funsaun  dever hodi asegura  komunidade  hotu,“dehan Pedro Belo.

Antes  ne´e mós Portavoz Aliansa Mudansa ba Progresu (AMP), Taur Matan Ruak,  hala´o  mini kampaña  iha Suku Babulu, Postu Administrativu Uatulari, Munisípiu Viqueque, promete sei kesar elementu PNTL Uatulari balun, ba Komandante  Jeral PNTL Komisariu Julio Hornay,  tanba servisu la neutru.avi