Problema Kompañia JYL Constuction rezolvidu

Problema patraun baku trabalhador iha kompañia JYL Construction ne’ebe halo trabalhador sira halo greve nee resolvidu ona, nune’e servisu iha kompañia refere lao fali ona hanesan baib-bain.

Vise Prezidenti Sindikatu FROM  Agrepino Marcal hatete, Loron hira nia laran trabalhador sira halo greve  hasoru kompania maibe ohin (horibainrua-red)  halo negosiasaun ho Sekretaria Estado Juventude no Trabalho (SEJT) ho kompañia JYL CONSTRUCTION iha ona rezultadu ne’ebe diak.

Agrepino hatutan tan katak maske iha buat balun ne’ebe maka kompania  JYL Construction seidauk  responde, maibe kona ba akontesimentu foin lalais nee iha ona rezultadu pozitivu atu rezolve.

 “Depois akontese tiha problema hanesan ne’e maibe kompañia iha vontade simu nafatin sira atu bele kontinua halao sira nia servisu husi asaun sira ne’ebe maka trabalhador sira halo ne’e ida maka sira lakonkorda ho salariu ne’ebe maka aplika ba sira”, esplika Vise Prezidenti Sindikatu From, ba jornalista sira iha Fatuhada, Dili.

Iha fatin hanesan Mateus Perreira hanesan trabalhador neebe hetan agresaun fiziku iha loron hirak liu ba husi nain ba kompáñia hateten iha negosiasaun nee  nain ba kompañia simu fali nia atu kontinua servisu tanba nia la sala.

Antes nee trabalhador sira neebe servisu iha kompañia nee halao greve solidariedade ba trabalhador neebe hetan agresaun fiziku husi nain ba kompañia trabalhador  ne’ebe servisu iha kompañia refere liu ema nain atus ida resin.

Iha uportunidade nee Jornalista JN-Diario tenta konfirma ho parte Kompañia no parte Inspesaun Jeral do Trabalho  maibe lakohi fo komentariu. Sis