JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Uza Artemarsiais illegal, lider sira viola rezolusaun

Uza Artemarsiais illegal, lider sira viola rezolusaun

Adjuntu Diretor Fundasaun Mahein (FM), kontinua kestiona lider sira uza arte-marsiais illegal sai hanesan asuntu ne’ebé utiliza hodi dada simpatia membru sira arte-marsiais nian involve direta ho atributu arte-marsiais durante Kampaña Eleisaun Parlamentar Antesipada.

Tuir Fundasaun Mahein nia observasaun, lideransa sira viola ona rezolusaun ne’ebe hasai iha 2013, hodi taka total arte-maraisais tolu, Persaudaran Setia Hati Terate (PSHT), IKS-Kera Sakti no KORKA.

“Rezolusaun Governu No.16/2013 kona-bá Extinsaun ba Arte-Marsiais taka total arte-marsiais tolu, ikus mai Lei No 5/2017 kona-bá Regime Jurídico Relativo à Prática de Arte Marciais, Rituais, Armas Brancas, Rama Ambon e Quinta Alteração ao Código Penal kriminaliza atividade arte-marsiais ilísita sira nian no artigu 5 husi lei refere proibidu arte-marsiais ligasaun ka involve direta ka indereta iha partidu polítiku ka asosiasaun polítika ruma,”deklara, João Almeida ba Jornalista sira iha kofrensia ba imprensa, Kuarta (30/05/2018), ne’ebe hala’o iha edifisiu FM, Fomento-Comoro, Dili.

Kona-ba kazu ne’ebe akontese iha Munisipiu Ainaro, Adjuntu Diretor FM n’e hatete tuir informasaun kazu ne’e rejista ona iha Ministeriu Publiku.

Antes ne’e, Konselleru Masimu Partidu KHUNTO, José dos Santos ‘Naimori Bukar’ afirma, seremonia tara tais ne’ebé hala’o iha Munisipiu Ainaro ba Prezidenti Koligasaun AMP, Kay Rala Xanana Gusmão ho Porta Voz AMP Taur Matan Ruak signifika nuda’ar lideransa rezistensia nud’ar mós heroi ba povu ho nasaun nian.

Naimori ‘Bucar’ aprofunda liutan katak, tara tais ne’e mos nuda’ar seremonia kultura ba’inhira simu bainaka ruma iha kostume ida katak tenki tara tais ba bainaka laós signifika lori lideransa Nasional nain rua ne’e ba grupu organizasaun ruma.

“Ne’ebé hau hein deit bainhira mak sira halo investigasaun, maibé AMP manan ha’u sei buka sé mak lori ida ne’e ba keixa iha tribunal,” deklara, Naimori ‘Bucar’ ba Jornalista bainhira Partisipa Mini Kampania iha Kampu futeboll Postu Administrativu Bobonaru Villa, Munisipio Bobonaru, Sesta, (13/04/2018).

Lee hotu :   Ema soe bebé ida iha Marconi ■Espoza PR Cidalia:Estadu tenki foti sansaun

Naimori hatutan katak, iha Elisaun Antisipada ne’e mak Koligasaun AMP hetan Vitoria iha Prontu buka tuir autor ne’bé mak keixa kazu ne’e iha tribunal hodi kontinua prosesa kazu ne’e tanba kazu ne’e rasik nuda’ar defamasaun.

Tuir infromasaun espalla iha media social sira, sai mos preokupasaun Publiku, preokupa katak iha loron 10 Abril tinan ne’e, bainhira lider resistensia nain rua ne’e to’o Munisipio Ainaro atu hala’o Kampaña dahuluk Aliansa Mudansa ba Progresu (AMP), iha Munisipio Ainaro.

Tanba, iha Seremonia Ritual ne’e Konselleru Masimu Partidu KHUNTO Naimori Bukar Tara tais simbolika nuda’ar arte marsial nian, maibé Simbolu nuda’ar Kostume Kultura Timor nian bainhira simu bainaka.

Naimori Bukar rezeita total deklarasaun sira ne’ebé mak espalla iha publiku katak Lider Resistensia Xanana Gusmão Taur Matan Ruak mós involve ona iha organizasaun Arte marisiais refere. Eus

Add to Comments Here!!!!

error: Content is protected.
Secured By miniOrange
You might also like:
Jornal Semanário GMNTV Edisaun 27 Maio 2018

TDD aplika aprezentasaun periodika ba suspeitu tá laen

Tribunal Distrital Dili (TDD) deside medida...

Fuma tabaku, TL primeiru lugar iha Mundu

Direktora Adventist Health, Becky House hatete,...

Close