LERE HATO’O ONA NARAN BRIGJEN BA GOVERNU

Xefe Estadu Maior FALINTIL Forsa Defeza Timor-Leste (F-FDTL) Major Jeneral, Lere Anan Timur, hateten, nia hato’o  ona  proposta kandidatu Brigadeiru Jeneral (BrigJen) nain haat ba Governu hodi desidi se mak sei troka eis BrigJen Filomeno Paixão ninia fatin.

“Ha´u  hanoin  proposta  ha´u haruka ba  ona, depois mak Konsellu Ministru sei desidise mak atu sa’e,  tanba  BrigJen nain haat,“esplika Xefe Estadu Maior Jeneral Maijor Jeneral FALINTIL Forsa Defeza Timor-Leste (F-FDTL) Major Jeneral Lere Anan Timur, ba jornalista Sesta (20/07/18) iha hafoin ensera treinamentu Peace Keeping Force ba membru F-FDTL iha Sentru Formasaun F-FDTL Metinaro.

Lere hatutan,  problema  mak BrigJen nain rua Aluk  ho Maunana Lospalos.

 “Agora nain rua ne´e mai hamutuk ho ha´u ema politiza  a´at liu tan. Viquque  nain rua BrigJen Falur Rate Laek ho Sabika, kompetensia Governu nian mak hili,“dehan Lere Anan Timur.

Brigadeiru Jeneral  nain 4  ne´e mak hanesan Domingos Raul ‘Falur Rate La’ek’, Américo Ximenes ‘Sabika Besi Kulit’, Cornélio Ximenes ‘Mau-Nana’ no João Miranda ‘Aluc ne´ebé hetan promosaun deviza ho fitun ida iha  Kinta (07/06/18).

Entre nain haat ne´e  ida sei asume pasta nuudar vise xefe Estadu Maior FFDTL hodi troka Filomeno Paixão de Jesus atual Ministru Defeza.avi