MD SEI HADIA SISTEMA KOOPERASAUN

Ministru Defeza (MD), Filomeno Paixão, hatete Timor-Leste iha Kooperasaun ho Nasaun 25 iha area Defeza, maibe presiza hadia sistema, hodi sira labele impoin sira nia hakarak nebe influnesia fali programa nebe Ministeriu Defeza trasa ona.

Ministru Defeza koalia assuntu nee ba jornalista sira, Kinta- feira nee hafoin hasoru malu ho Prezidenete Republika iha palasiu Presidensial, Bairo Pite, Dili.

Membru Oitavu Governu Konstitusional nee dehan Ministeriu Defeza iha ona intensaun ida atu hadia sistema nee, tanba estuda konaba estratejia Militar foun signifika ita hatama planeamento ba iha Formasaun Rekursos Humanos ou Konstrusaun Kapasidade.

” Hau koalia konstrusaun kapasidade ida nee hau koalia buat 8 hahu husi doutrina organizasaun lideransa rekursos humanos infrastruturas interoperabilidade no seluk tan, ida nee ita mak manda no ita mak tenke hatete ba iha Pais neebe ita halo koperasaun”, sublinha Ministru Defeza,Filomeno Paixão.

Governante nee afirma ita mak manda no hatete ba sira katak ita nia hakarak nee hanesan nee ou hanesan neeba, hanesan Ministeriu Defeza hakarak haruka sira ba tuir formasaun.

 “Ida nee mak tama iha hau nia planu no programa atu halo servisu durante mandatu, Nasaun hirak neebe ita halo koperasaun mak Australia Portugal Nova Zelandia Estadus Unidos Amerika no China”, termina Filomeno Paixão.Fel