PNTL LA TOLERA KONFRONTU IHA PONTE COMORO III

Segundu Komandante PNTL Munisípiu Díli Superintendente Asistente Euclides Belo hateten, sei la tolera suspeitu ne´ebé mak halo konfrontasaun  entre estrada Leten no Estrada Kraik iha Aldeia Moris Foun C, Suku Comoro, tamba bele impede konstrusaun ba ponte refere.

“Perturbasaun iha Comoro Tres (III), Komando PNTL Díli no  Eskuadra Dom Alexio  foti ona medida halo  prevensaun halo mós identifikasaun ba alin sira balun. Tanba  ne´e mak kazu  ne´e ami labele tolera. Tanba  ponte  Komoro tres    prosesu konstruksaun  seidauk remata, tanba  ne´e mak área  ne´e  protejidu,“esplika Segundu Komandante PNTL Munisípiu Díli Superintendente Asistente Euclides Belo ba jornalista sira Segunda (30/07/18) iha Kuartel PNTL Díli.

Euclides Belo  husu ba komunidade hotu hela  besik ponte Comoro tres atu kontribui ba estabilidade  atu nune´e tékniku sira bele fokus ba konstruksaun ponte refere to´o remata.

“Ami  mós husu ba komunidade hotu hela besik ponte Komoro tres, atu tau matan mós ba prosesu,  komunidade hotu-hotu hamutuk para kontrola seguransa no estabilidade i laiha ida mak sai fali ajitasaun profoganda  hodi hamosu  problema,“dehan Euclides Belo.

Enkuantu iha kazu refere Polísia Eskuadra Dom Alexio  husi Munisípiu Díli, identika ona suspeitu  nain lima  ne´ebé mak deskonfia involve  konfrontu iha Aldeia Moris Foun C Suku Comoro entre estrada leten no kraik.

“Ita  halo ona identifikasaun ba ema  nain hat ka lima depois nia detalhus orsida Eskuadra Polísia Dom  Alexio  halo relatoriu mai Komando,“dehan Euclides Belo.

Entretantu konfrontu iha  Aldeia Moris foun rezulta ema nain hat kanek iha parte   ulun fatuk, ain tilun no isin lolon kotuk.

Entre vítima nain nain tolu ne’e balu estudante mak hanesan João Teodoziuo, Joçinto  Gomes  Pinto  no Frederico Nunu Guterres,  ne´ebé mak hetan agresaun fíziku iha Eskola Finantil Aimutin husi ema  liur, no Plenio  Laurindo  da Silva  Guterres hetan baku iha Ponte Comoro III.avi

Leave a Reply

Your email address will not be published. Required fields are marked *