PTR FELISITA PPN NO DEPUTADU QUINTA LEJISLATURA

Foto-GMNTV

Prezidente Tribunal de Rekursu (PTR), Deolindo do Santos hato´o felisitasaun ba Prezidente Parlamento Nasional (PPN), Arão Noe no deputado sira quinta lejislatura, Segunda-feira nee.

” Hau mai atu hato´o felisitasaun ba Prezidente Parlamento ba Mandatu foun no mos ba Membru Deputado quinta Lejislatura”,dehan Prezidente Tribunal de Rekursu,Deolindo do Santos, ba Jornalista iha Parlamento Nasional.

Responsavel maximu orgaun judisial haktuir katak iha hasoru malu ho Prezidente Parlamentu Nasional hodi koalia relasaun servisu Tribunal Rekursus nian iha futuru, maibe atu koalia profunda liu tan ida nee sei iha tempu seluk.

Deolindo dos Santos dehan tan katak Tribunla Rekursus hanesan Instituisaun masimu iha area judisial nian sempre servisu hamutuk ho Parlamento,  Governu no Prezidente Repúblika.

” Programa neebe ami iha liu husi Ministériu Justiça mai to Parlamento atu oinsa bele haree prosesu dezenvolvimento ba area Justisa nian liu-liu iha area Tribunal nian atu bele lao diak liu tan, ida nee bele haree ba kontestu Infrastrutura, Rekursus Humanus no kontestu Lejislasaun neebe presiza haree diak liu tan iha futuru”, dehan Prezidente Tribunal. Fel