Membru UEP 29 ensera treinamentu ba misaun ONU

Membru Unidade Espesial Polísia (UEP) hamutuk 29, Tersa (11/09/18), ensera treinamentu ba misaun ONU.

Treinamentu ne´e hala´o  iha Kuartel UEP, Bairo-Pite Díli, durante fulan rua hahú iha  loron  ha’at fulan Jullu,  to’o Agostu,   involve  membru UEP  29  inklui feto nain rua  ne´ebé mak hanorin husi instrutor parseiru Australia Timor-Leste Development Programme (TLDP) no Guarda Nacional Republicana (GNR) Portugal.

Ho  enseramentu treinamentu refere Komandante Jeral PNTL komisariu Julio Hornay entrega sertifikadu ba membru Unidade Espesial Polisia ka UEP  nain tolu.

Membru nain tolu ne´e mak  Inspetor Polísia  Gonzalo António  Pinheiro  melhora klasifikasaun iha treinamentu Inspetor Polísia   Agostinho  da Costa melloramentu klasifikasaun  tiru  no  Sarjentu  melloramentu  kursu   fíziku.

Komandante Jeral PNTL Komisariu Julio Hornay, hateten, treinamentu ne´e hodi  prepara ba  hala´o misaun paz ONU iha futuru mai.

“Ne´e sertifikadu kursu ba misaun ONU ninian, ne´ebé alta entidade ONU nian husu ba PNTL, prepara dadauk karik iha posibilidade   hetan konvite ita bele partisipa misaun ONU. Tanba  ne´e mak ita  sira iha UEP ne´e ita treinamentu hodi prepara hela membru  sira, wainhira konvite husu ONU  nian mai ita bele partisipa iha misaun refere. Kursu ida  ohin (Horseik) taka ne´e primeiru turno ninian  ne´ebé remata i aumesmu tempu loke segundu kursu,“esplika Komandante Jeral PNTL Komisariu Julio Hornay,  ba jornalista sira iha Kuartel UEP Bairo-Pite Díli.

Alende ne´e Komandante Unidade Espesial Polísia Superintendente Xefi Afonso dos Santos hateten, treinamentu misaun paz ONU nian ne´e importante tebes ba ofisiais  no Sarjentu maibe treinamentu fulan Jullu no Agostu seidauk bele sufisiente ba membru sira

Entretantu treinamentu ne´e hetan apoiu husi Governu no Komando Jeral PNTL inklui  lider diplomata José Ramós Horta.

 “Treinamentu   ne´e  ita realiza tanba  hetan apoiu husi Governu  nune´e  mós apoiu husi maun bo’ot Ramos Horta,  ne´ebé ninia misaun klaru ligasaun ba diplomata, entaun ida ne´e mak ha´u komandante Unidade Espesial,  ha´u halo  proposta ida  ba iha Governu no Komando jeral ligasaun ho pais viziñu Australia  TLPD no Guarda Nacional Republicana Portugal,“dehan Afonso dos Santos.

Alende treinamentu ba misaun ONU ba segunda faze involve  tan membru UEP nain 34, ne´ebé mak sei hala´o tan ba  fulan  Setembru to’o Novembru, tinan  2017, ne´ebé mak ninia treinamentu sei hahú Kuarta (12/09/18), iha Kuartel UEP Bairo-Pite, Díli, sei hanorin instrutor parseiru TLDP no GNR Portugal.

Enkunatu kursu  lingua Portugés sei hala´o tan iha tinan 2019 atu nune´e bele hasa’e liu tan membru sira-nia koñesimentu iha lingua Inglés, wainhira hala´o misaun ONU iha rai seluk ba futuru mai.avi