JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tinan oin, Governu harii Tribunal Militar

Tinan oin, Governu harii Tribunal Militar

Governu liu husi Ministériu Defeza planeia ona atu harii Tribunal Militar iha tinan oin 2019, maibé Tribunal Militar ne’e sei tau iha Tribunal Distrital Díli nia okos.

Ministru Defeza, Filomeno Paixão, hateten, Tribunal Militar  ne’e presiza tebes atu harii, maibé la presiza atu gasta osan bo’ot.

Tuir Filomeno Paixão katak, planu harii Tribunal Militar ne’e, Governu sei realiza iha tinan oin, tanba krime militar labele julga iha tribunal sivil.

“Maibé krime hanesan ne’e ema nain hira, dalaruma tinan ida ita halo julgamentu ba ema rua tolu de’it, entaun ida ne’e presiza tribunal bo’ot ida, ida ne’e ita gasta fali osan atu halo uma no instalasaun di’ak ,maibé ema la ba halo julgamentu. Entaun ha’u hanoin atu hasa’e ba Konsellu Ministru katak, Tribunal militar ne’e, naran iha seksaun ida iha tribunal sivil”,katak Filomeno Paixão ba jornalista sira iha Palásiu Governu Dili, foin lalais ne’e, hafoin hasoru malu ho Primeiru Ministru, Taur Matan Ruak.

Nia esplika, Tribunal Militar ne’e atu halo julgamentu ba militar sira ne’ebé komete krime militar, la’os krime normal.

“Hanesan fa’an kilat, munisoens, lori kilat ba tiru rusa mós krime militar, halai so’e hela servisu fulan nen ka tinan ida, presiza halo julgamentu iha tribunal militar”, afirma Filomeno Paixão.

Nia haktuir, Tribunal militar ne’e juiz lalika ema militar mós diak, maibé kódigu sira ne’e mak tenki mai husi militar.

Filomeno Paixão esklarese, nia sei aprezenta planu ida ne’e iha Konsellu Ministru hodi hetan apresiasaun no aprovasaun, atu bele implementa iha tinan oin.cos

Lee hotu :   Ema sona joven rua iha Comoro ■ PN ezije PNTL garante estabilidade

Add to Comments Here!!!!

error: Content is protected.
Secured By miniOrange
You might also like:
China apoia kareta Cozinha hitu ba F-FDTL

Governu China fo apoiu kareta cozinha  militar...

Kansela partisipa Bali Democracy Forum, PR Lú Olo: Ne’e kompetensia PN nian

Prezidenti  Repúblika (PR), Francisco Guterres ‘Lu...

Governu kansela rekrutamentu membru foun PNTL

Primeiru Ministru, Taur Matan Ruak, deside...

Close