Julio Hornay:PNTL la’os sai fali autor krimi

Komandante Jerál Polísia Nasionál Timor-Leste (PNTL) Komisáriu Julio Hornay,  hateten,  kna’ar Polísia mak atu sai protetor, hodi labele sai fali autor ba krimi, tanba ne’e Komando sei la tolera.

“Ofisial sarjentu, ajenti ténki hatene katak, PNTL sai parseiru ba komunidade PNTL sai protetor ba komunidade ba nasaun ida ne´e, labele sai autor ba krimi ba  ita nia komunidade, ida ne´e komando la tolera”,esplika Komandante  Jeral PNTL Komisariu Julio Hornay, ba jornalista sira Kinta (22/11/18), iha Kuartel Unidade Espesial Polísia Bairo-Pite Díli.

Tuir Julio Hornay, komunidade mak sai parseiru di’ak ba PNTL  husi loron ba loron, presiza  ninia apoiu hodi kombate krimi no kria estabilidade   no paz ba rai dobem Timor-Leste.

“Haluha husi imi nia fuan ho laran atu hases kilat husi  ita nia joven ba ita nia populasaun  ne´ebé moris iha rai ida ne´e ida ne´e mak importante ba  ita”,dehan Julio Hornay.

Tanba ne’e, Julio Hornay husu ba membru PNTL atu utualiza armas tuir nesesidade  ne´ebé mak lei fó ona dalan no  ho responsabilidade, labele uza ba kualker tempu hodi tiru, ida ne´e la hakerek iha lei.

“Tanba  ne´e mak bainhira membbru sira atu halo atuasaun presiza tetu didiak tuir regras de empeñamentu  ne´ebé mak  iha no tuir  ona normas de uza forsa  ne´ebé mak vigora iha instituisaun PNTL. Utuliza arma ténki tuir prinsipiu proporsionalidade  no nesesidade nudar medida ikus liu. “Ita labele haluha  ne´ebé mak iha kazu manifestasaun liu ba ne´e mak nudar izemplu diak. Hatudu disiplina diak la´os de´it  iha formatura dader no loron tomak maibe  ita nafatin PNTL wainhira ita ho farda  iha ita nia isin lolon ka bainhira  ita iha komunidade nia leet, mesmu ita uza sivil, mas estatutu PNTL ba  ita sei funsiona ba ita iha ne´ebé de´it to’o ita reforma”,dehan Julio Hornay.avi