JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Suspeitu CA oho fen no hakanek nia feto foun

Suspeitu CA oho fen no hakanek nia feto foun

Polísia Nasionál Timor-Leste (PNTL) detein suspeitu  inisial CA ho idade  48 iha sela detensaun Polísia  Ermera  Gleno, tanba oho nia  fen kaben  Aliansa Tavares  idade 55 no ta´a kanek  nia feto foun Merita Casmiro de Deus tinan  25 nia liman fuan bo’ot parte los.

Kazu ne´e akontese  Domingu (16/12/18)  mais ou menus tuku 12 meudia oras Timor-Leste  iha área Maudumate Aldeia Raibou Suku Laulana Postu Letefoho Munisípiu Ermera.

Suspeitu oras  ne´e detein ona iha sela detensaun  Komando PNTL Ermera Gleno  durante oras  72  hafoin submete ba primeiru interogatoriu iha Tribunal Distrital Díli.

Enkuantu mate isin Aliansa Tavares, Komando PNTL Ermera   intrega ona ba iha parte Forensik lori  transporta mai iha  mortuariu hodi  bele submete ba autopsia no vítima kanek  hetan ona tratamentu iha klinika Ermera.

“Informasaun  ne´ebé mak Komandante PNTL Munisípiu Ermera hateten mai katak, ema ne´e moras mental oituan. Kona-ba mate isin ne´e Servisu Investigasaun Kriminal ba foti kedas, depois agora sei prosesu autopsia nia laran´´, esplika Komanante Jerál PNTL Komisariu Julio Hornay, ba  Jornalista sira Tersa (18/12/18) iha Kuartel Jerál PNTL Díli.

Julio Hornay hatutan,  wainhira autoridade seguransa atu  kaptura  suspeitu ne´e  iha terenu, suspeitu tenta  ataka fali  Polísia, maibe esforsu kaptura duni suspeitu oras  ne´e detein  ona iha sela detensaun Ermera.

Alende ne´e  mós tuir informasaun balun ne´ebé mak  Komando PNTL Munisípiu Ermera hetan husi Xefe do Suko ho Ofisial Polísia Suko  informa katak, ema  ne´e moras mental,  wainhira moras ne´e  sae  suspeitu  lakon ninia hanoin  bele hanoin a´at ba ema seluk. Entaun  motivu husi kazu ne´e  seidauk hatene klaru.avi

Lee hotu :   UPF-TNI hatudu kooperasaun diak iha fronteira

 

Add to Comments Here!!!!

error: Content is protected.
Secured By miniOrange
You might also like:
CCI-TL lamenta Xineza loke kios kiik

Prezidente Kamara Komersiu Industria Timor-Leste (CCI-TL_sigla...

FRETILIN preokupa viajen membru Governu ho ekipa bo’ot

Bankada FRETILIN iha Parlamentu Nasional (PN)...

Ramos Horta: Sriwijaya Air naok ita arbiru “Tenki kria lalais lei aviasaun”

Eis Prezidente Repúblika (PR), José Manuel...

Close