Membru KSNI na’in tolu simu pose

Prezidente Parlamentu Nasional, Arão Noé, Tersa (29/01), fó pose ba Membru Konsellu Servisu Nasional Intelejensia (KSNI) nain tolu iha uma fukun Parlamentu Nasional.

Membru konsellu nain tolu ne’ebé  simu pose nain rua reprezenta Deputadu Parlamentu Nasional, Deputadu Duarte Nunes no Deputadu Antonino Bianco, nain ida indizita husi Prezidente Republika maka Ricardo da Costa Ribeiro.

Prezidente Parlamentu Nasional, Arão Noé, hatete tomada de pose ne’e pendente kleur , hahu iha 2017 mandatu uluk hotu ona ba SNI. Ne’ebé  tuir lei fo membru nain tolu, nain rua Parlamentu Nasional maka hili no ida seluk indizita husi Prezidente Republika.

“Ohin ami halo tomada de pose tuir reuniaun semana kotuk iha lider bankada, bankada sira diside membru nain rua ne’ebé  eleitu iha 2017 mantein sira nia pozisaun, tanba tuir lei fo mandatu ba sira tinan lima. Prezidente Republika mos indizita ona membru ida mai nune ami halo tomada de pose ba sira hodi hala’o knar ne’e,” dehan Arão Noé iha PN.

Hafoin simu tomada de pose Ricardo da Costa Ribeiro hatete primeiru sei haree kona ba volume servisu no orsamentu tuir lei haruka.

“ Hau foin maka tomada de pose tenki haree orsamentu tinan kotuk no tinan ida ne’e. Tuir SNI nia servisu orsamentu ne’e adekuadu ka lae, ida ne’e ita tenki haree. Orsamentu ne’e barak liu ou oituan liu, ekipamentus no servisu ne’e lao oinsa ita presiza haree fali. Implementasaun ne’e presiza haree, tanba servisu ne’e sensitivu oituan, tanba ne’e presiza kuidadu, kalma no ho ulun malirin. Importante maka nasaun ne’e tenki seguru no povu tenki hakmatek,” dehan Ricardo Ribeiro. Nes