Pedro Belo: Lei autoriza PNTL tiru autor krimi rama-ambon

Komandante Polísia Nasionál Timor-Leste (PNTL), Munisípiu Díli, Superintendente Xefe Pedro Belo, afirma katak,  lei númeru 5/2017 armas brankas  autoriza PNTL lori kilat  tiru  autor kriminozu  wainhira  prátika  hela  rama ambon hodi hana komunidade.

“Nudar ajenti siguransa la’os atu   atu fó  oportunidade nafatin ba ema kriminozu sira halo  tun sae, hanesan  ha’u nia intervensaun ba  ha’u nia ajenti no Sarjentu sira katak, lei armas branka númeru 5/2017 armas brankas fó autorizasaun para atu tiru ba ema sira kriminozu la’os ba komunidade, liu-liu kriminozu  pratika dadauk rama ambon lei   ne’e autoriza para tiru”,esplika Komandante Polísia Nasionál Timor-Leste (PNTL) Munisípiu Díli Superintendente Xefe Pedro Belo,  ba  jornalista sira Kinta (28/03/19) hafoin  fó promasaun devisa membru sira  iha PNTL Caicoli Díli.

Nia akresenta,  Estadu hari forsa  seguransa hodi atua kriminozu sira, la’os atu ba hamaus fali  ema sira kriminozu.

“Ita servisu para atua ema sira kriminozu, agora seidauk to’o tempu kuandu kriminozu halo bebeik nia ténki simu konsekuensia.  Mas tiru lolos, la’os ema ida la sala hamrik iha iha sorin mak tiru fali, entaun  Polísia ida  tiru ne’e nia mak ba hatan fali”,dehan Pedro Belo.

Durante ne’e kazu kona-bá rama ambon akontese barak liu iha sidade Díli inklui munisipiu balun  hanesan ema hana feto ida iha Viqueque.

Kazu ikus iha fulan ne’e maka  iha  semana kotuk  ema deskonhesidu hana Guilhermino Ximenes ho rama ambon iha parte hirus matan  iha área Ai-Mutin Comoro.avi