Alfândega prende tua ho sigaru ilegál ■PNTL detein ona suspeitu

Alfândega liu husi servisu CUSTOMS ho Polisia Nasional Timor-Leste, Eskuadra Dom Alexio, Munisípiu Díli prende tua ho sigaru ilegal husi sidadaun Xinés ida ho naran Ahua.

Sasan sira prende husi sidadaun Xinés ne’e iha Hotel Fortuna Delta iha Kuarta (03/04/19).

Evidensia sira ne’ebé mak mak Alfândega prende mak hanesan, sigaru marka stiker Indonezia slop nen nulu resin tolu (63) ne’ebé mak Estadu bandu fan iha Timor-Leste.

Alende ne’e prende mós tua marka letra Xina kaisa nen nulu resin tolu (63).
Evidensia hirak ne’e Alfândega entrega ba Polísia hodi asegura ona Eskuadra Dom Alexio no sidadaun Xina hanesan nain ba sasan submete ba prosesu investigasaun no detein durante oras hitu nulu resin rua (72), hodi submete ba primeiru interogatoriu, iha Tribunal Distrital Díli.

“Ita dehan importasaun ilegal, tanba saida, primeiru merkaduria ida ne’e mai sein hetan koñesimentu husi Alfândega, segundu señor ida mak ita halo atuasaun ema nasionalidade Xina ne’e mós laiha lisensa operasaun, lisensa operasaun ne’e katak, nia laiha lisensa komersiu, no laiha lisensa husi saúde, depois nia tua sira marka ho letra Xina, ne’ebé ita lahatene tua ne’e hemu ba saida nian mak ne’e ita la hatene, tanba ida ne’e perigu tebes ba ita nia komun idade konsumu, tanba ne’e mak ita halo aprensaun ba tua sira ne’e”, esplika Diretór Nasional Intelejen no Anti Fraude Dionisio da Cruz Pereira, ba jornalista sira Kuarta (03/04/19) iha Eskuadra Dom Alexio.avi