Lere konkorda treina F-FDTL priense servisu PNTL

Xefe Estadu Maior Jeneral Falintil- Forsa Defeza Timor Leste (F-FDTL) Major Jeneral Lere Anan Timur, konkorda forma membru FALINTIL – Forsa Defeza Timor Leste foun hodi priense servisu Polisia Nasional Timor Leste (PNTL).    

Major Jeneral Lere Anan Timur hato’o kestaun ne’e, relasiona ho deklarasaun Ministru Defeza no Interior Interinu Filomeno Paixão foin lalais ne’ebé hateten, planu 2020 Ministériu Defeza no Interior sei laiha tan rekrutamentu foun ba membru PNTL, maibé, rekruta deit membru foun FALINTIL – Forsa Defeza Timor Leste hodi bele priense servisu Polisia nian.

“Ha’u konkorda Ministru Defeza ninian pontu devista ita dehan katak lei servisu militar la’os obrigarotriu, ita bele dehan kontratadu ou voluntariu kontratdu durante seti anos deit, tama kudarus permanents ne’e ofisiais no sargentu ba konkore priense kriterius ida permanente até sesenta anos ba reforma,” hatete Lere Anan Timur ba Jornalista sira, Kuarta (24/04/2019) hafoin enkontru seminal ho Prezidente Republika.

Xefe Estadu Maior Jeneral nee dehan, “Sira atu ba ne’ebe ita dehan hanesan duke duplika ba rekrutamenu polisia nasional nian no F-FDTL nian depois tinan hitu nia fila ba uma, diak liu sira fila ba uma tranzita ba polisia nasional hodi lá duplika orsamentu,”.

Planu Ministériu Defeza no Interior tinan 2020 maka  atu rekruta membru F-FDTL 600, hodi priense membru F-FDTL 3.600 tuir lei haruka. No laiha tan rekrutamentu ba membru foun Polisia Nasional Timor- Leste.Eus